کوئی دن گزرتا نہیں کہ کوئی نہ کوئی میڈیا سٹار متنازع کردار کی وجہ سے شہ سرخیوں کی زینت بن رہا ہے۔ ایسے میں اب سوشل میڈیا پر گردش کرنے والی ایک بظاہر لیکڈ آڈیو نے تہلکہ مچا دیا ہے۔ اس آڈیو میں مبینہ طور پر سینئر تجزیہ نگار اور سابق بیوروکریٹ اوریا مقبول جان کے ساتھی اینکر رہنے والے جمیل فاروقی جو کہ خود بھی اپنی آرا کی وجہ سے اکثر تنازعات کا شکار رہتے ہیں، اوریا مقبول جان کے دوغلے پن کے بارے میں انکشافات کر رہے ہیں۔
