بھکر میں ایک انتہائی افسوسناک واقعہ سامنے آیا ہے کہاں تحریک انصاف کے رکن صوبائی اسمبلی امیر محمد خان کے غنڈوں نے مقامی صحافی زاہد شریف رانا کو بدترین تشدد کا نشانہ بنایا اور مرا ہوا سمجھ کر وہیں چھوڑ کر چلے گئے۔
https://twitter.com/zahidsharifran1/status/1508083391836700682?s=20&t=jWrgSAYbJYW59e2d5el-OQ
وزارت انسانی حقوق نے سوشل میڈیا پر اس بہیمانہ تشدد کی ویڈیو وائرل ہونے کے بعد ایکشن لیتے ہوئے ملزمان کیخلاف مقدمات درج کرکے انھیں فوری طور پر گرفتار کرنے کا حکم دیا ہے۔ ڈی پی او بھکر کے نام جاری مراسلے میں کہا گیا ہے کہ وہ اس واقعے میں ملوث مجرموں کیخلاف کارروائی کرتے ہوئے انھیں قرار واقعی سزا دیں۔
https://twitter.com/zahidsharifran1/status/1508155399349968908?s=20&t=jWrgSAYbJYW59e2d5el-OQ
رکن صوبائی اسمبلی امیر محمد خان کے غنڈوں کے تشدد کا نشانہ بننے والے صحافی زاہد شریف رانا نے کہا ہے کہ یہ ریاست پاکستان میں صحافت کے محفوظ ہونے کا ثبوت ہے۔ آج مجھے سرعام جوئے کے اڈے کی نشاندہی پر مقامی ایم پی اے امیر محمد خان حسن خیلی کے غنڈوں نے جان سے مارنے کی کوشش کی۔ جب بے ہوش ہو گیا تو مرا ہوا سمجھ کر چلے گئے۔
https://twitter.com/zahidsharifran1/status/1508490532884000778?s=20&t=jWrgSAYbJYW59e2d5el-OQ
ان کا کہنا تھا کہ حق، سچ لکھنے اور غریبوں کی آواز بننے کی یہ سزا کوئی زیادہ نہیں ہے۔ مقامی ایم پی اے کے غنڈوں نے آج سرعام مجھ پر تشدد کیا ، جان سے مارنے کی مکمل کوشش کی مگر الله کا کرم ہوا۔ جان بچ گئی۔ مگر سچ کی آواز پھر بھی نہ دبائی جائے گی۔
