علی گڑھ مسلم یونیورسٹی نے جہاں تحریک پاکستان کو بڑے بڑے لیڈر دیے وہاں بڑے بڑے اردو دان بھی پیدا کیے. اردو واقعی ایک بڑی زبان کا درجہ حاصل کرچکی ہے. بلکہ دنیا بھر میں پھیلے ہوئے کروڑوں اردو بولنے والوں کی بدولت بین الاقوامی زبان بن چکی ہے.
یہ سارا کچھ لکھنے کا مقصد یہ ہے کہ خان صاحب جہاں ہر چیز کی تہس نہس کیے جا رہے ہیں وہاں اپنے مخالفین کو جاہل اور کم پڑھا لکھا ثابت کرنے کے لیے اس کا اردو دان ہونا ثابت کر رہے ہیں. کتنی بد بختی کی بات ہے ایک ایسا شخص جو ملک کے سب سے بڑے آئینی عہدے پر فائز ہو وہ اردو کو بطور کم درجہ زبان پیش کرے.
فیض احمد فیض کو اردو سے زیادہ انگلش آتی تھی بلکہ کہتے ہیں کہ ان کے انگریز استاد نے ان کو کل نمبروں سے پانچ نمبر زیادہ دیے اور بطور چیف ایڈیٹر پاکستان ٹائمز، ان کے لکھے اداریے لوگ ایک دوسرے کو بطور تحفہ اس طرح دیتے تھے جیسے انگریز آفیسر ہندوستان سے انگلستان جاتے ہوئے کامریڈ comrade کے پرچے بطور تحفہ اپنے دوستوں کے لیے لے کر جاتے تھے. اقبال کو اردو پر فخر ہے اور اردو کو اقبال پر. پروفیسر نکلسن علامہ اقبال کے استاد تھے اور انھوں نے ہی سب سے پہلے علامہ کی شاعری کا انگلش میں ترجمہ کیا تھا.
اردو صرف ایک زبان ہی نہیں بلکہ پاکستان کی حفاظت کی ضامن ہے. جب پاکستان بنا تو اس کی ساری اکائیاں بلحاظ زبان رسم ورواج کلچر، ایک دوسرے سے مختلف تھی. ان میں unifying forces اردو ،مزہب اور قائداعظم کی زات تھی. اس لیے اردو کو وفاق کی علامت کے طور پر دیکھنا چاہیے.
یہ کہنا کہ ٹرانسپرنسی انٹرنیشنل نے اردو ترجمہ نہیں کیا اس لیے تنقید ہو رہی. اس طرح کی پھبتیاں کستے کستے آپ اردو کو ایک ایسی زبان کے طور پر پیش کر رہے ہیں جو کم علم لوگوں کی زبان ہے.
کہیں آپ جان بوجھ کر تو ایسا نہیں کر رہے؟