اپنے ایک بیان میں حسین داؤد کا کہنا تھا کہ کرونا وائرس کے سدباب کے لیے حکومت اور مختلف اداروں کی کوششیں قابل تعریف ہیں۔ حسین داؤد نے مزید کہا کہ وہ ہمیشہ ملک کے اہم مسائل کے حل کے لیے کوشش کرتے رہے ہیں اور جب قوم مشکل میں ہو تو بنیادی اخلاقی اقدار کے مطابق ایسا کرنا اور ضروری ہو جاتا ہے۔
Mr. Hussain Dawood, today, on behalf of @EngroCorp, @DH_Corp and his Family have pledged PKR 1 billion, along with a contribution of services to combat COVID-19. #CoronaVirusPakistan#CoronaFreePakistan#COVIDー19#StayAtHomeAndStaySafe
Read the full press release here: pic.twitter.com/UxPW21UrHm
— Dawood Foundation (@DawoodTdf) April 2, 2020
خیال رہے کہ وزیراعظم عمران خان نے گذشتہ دنوں کرونا وائرس سے نمٹنے کے لیے کرونا ریلیف فنڈ کے قیام کا اعلان کیا تھا۔ وزیر اعظم کا کہنا تھا کہ میں چاہتا ہوں ہر شخص وزیراعظم کرونا ریلیف فنڈ میں عطیہ دے، یہ ریلیف فنڈ لاک ڈاؤن سے متاثرہ افراد کی مدد کے لیے استعمال ہو گا۔
ان کا مزید کہنا تھا کہ ریلیف فنڈ کہاں استعمال ہو رہا ہے اس کی مکمل تفصیل قوم کو بتائی جائے گی جبکہ آپ اس میں جو پیسہ ڈالیں گے اس کے بارے کوئی سوال نہیں کیا جائے گا۔
واضح رہے کہ پاکستان میں کرونا وائرس کے متاثرہ افراد کی تعداد 2300 سے زائد ہوچکی ہے جب کہ 33 افراد ہلاک بھی ہوچکے ہیں۔