قلات میں سیکیورٹی فورسز کے قافلے پر خودکش حملہ ہوا ہے، حملے میں ایف سی کا ایک اہلکار شہد ہوگیا۔
ابتدائی اطلاعات کے مطابق قلات میں سیکیورٹی فورسز کے قافلے میں حملے کے نتیجے میں ایف سی کے چاراہلکار بھی زخمی ہیں۔ خود کش حملے میں نائیک عطااللہ شہید ہوگئے۔
زخمیوں میں سپاہی وکیل، زاہد، عباس اور مشتاق شامل ہیں۔سیکیورٹی فورسز نے علاقے کو گھیرے میں لے لیا جبکہ زخمیوں کو مقامی اسپتال منتقل کردیا گیا جہاں انہیں طبی امداد دی جارہی ہے۔ڈی سی قلات کا کہنا ہے کہ دھماکا خاتون خود کش حملہ آور نے کیا۔
وزیرداخلہ محسن نقوی نے قلات میں ایف سی کے قافلے پر خودکش حملہ کی مذمت کی اور ایف سی کے شہید اہلکار عطا اللہ کو خراج عقیدت پیش کیا ہے اور بیان میں کہا کہ شہید عطا اللہ کے خاندان کے غم میں برابر کے شریک ہیں۔
وزیرداخلہ نے زخمی جوانوں کو علاج کی بہترین سہولتیں فراہم کرنے کی ہدایت کی اور کہا کہ ایف سی کی لازوال قربانیوں کو قدر کی نگاہ سے دیکھتے ہیں، ایف سی کی انمٹ قربانیوں کو سلام پیش کرتے ہیں۔