مسلم لیگ ن کے رہنماء احسن اقبال نے اپنے ٹویٹر پیغام میں کہا ہے کہ وفاقی وزیر ریلوے شیخ رشید پرانے کھلاڑی ہیں ان کی گفتگو اور باڈی لینگویج بتا رہی ہے کہ حکومت کے گرد گھیرا تنگ ہو رہا ہے-
https://twitter.com/betterpakistan/status/1180438646723354625?s=20
اس سے قبل لاہور میں پریس کانفرنس کرتے ہوئے شیخ رشید نے کہا کہ فضل الرحمان سے کہتا ہوں کہ 27 اکتوبر میں دو ہفتے پڑے ہیں، اس دوران کچھ ہوا تو سارہ ملبہ آپ کے سر پر جائے گا۔ مولانا فضل الرحمان نے پہلے بھی اپوزیشن کو رسوا کرایا ہے، ان کے کہنے پر چیئرمین سینیٹ کے انتخاب میں اپوزیشن رسوا ہوئی۔
وزیر ریلوے کا کہنا تھا کہ فضل الرحمان آپ ن لیگ اور پیپلز پارٹی کو استعمال کرنے جا رہے تھے لیکن آپ کواستعمال کیا جا رہا ہے، آپ جو افواہیں پھیلارہے ہیں وہ ٹھیک نہیں، آگے کھائی پیچھے کنواں ہے، اس تحریک کا نقصان کشمیرکاز کو ہوگا، بھارت سرحد پر چھیڑ چھاڑ کر سکتا ہے، حالات نارمل نہیں ہیں۔
انہوں نے مزید کہا کہ بلاول بھٹو نے نہایت ذمہ دارانہ بیان دیا ہے وہ ٹھیک کہہ رہے ہیں کہ دھرنے کے کیا نتائج نکلیں گے البتہ شہباز شریف کی سمجھ نہیں آتی، شہباز شریف یا ادھر ہوں یا ادھر، شہباز شریف سے کہتا ہوں پہلے جیسی سیاست کا وقت ختم ہو گیا۔
شیخ رشید کا کہنا تھا کہ اگر عمران خان 6 آدمیوں کو رہا کر دے یہ ساری تحریک کا دھڑن تختہ ہو جائے گا، عمران خان کو ایک سال پہلے کہا تھا کہ ان کو لوٹی ہوئی دولت بھی نصیب نہیں ہوئی۔
انہوں نے کہا کہ فضل الرحمان جو کھیل کھیلنے جا رہے ہیں اس میں وہ خود پھنسیں گے، سارے لوگ فضل الرحمان کو آگے کرکے کوئی حل نکالنے کی کوشش کر رہے ہیں۔
