ایک اور پسندیدہ صحافی کو نواز دیا گیا، ملیحہ ہاشمی وزیراعظم کی نمائندہ خصوصی تعینات

پاکستان تحریک انصاف کی حکومت نے ایک اور پسندیدہ صحافی کو نواز دیا، ملیحہ ہاشمی کو وزیراعظم پاکستان عمران خان کی نمائندہ خصوصی تعینات کر دیا گیا۔

حکومت کی جانب سے جاری نوٹیفکیشن کے مطابق صحافی ملیحہ ہاشمی کو وزیر اعظم پاکستان کے جانب سے قائم کردہ کرونا ریلیف فنڈ کے لیے وزیراعظم عمران خان کا نمائندہ خصوصی تعینات کیا گیا ہے۔

نوٹیفکیشن میں یہ واضح کیا گیا ہے کہ ملیحہ ہاشمی کو وزیراعظم کی نمائندہ خصوصی کا عہدہ اعزازی بنیاد پر دیا گیا ہے اور اس عہدے کے عوض انہیں کسی قسم کی کوئی بھی تنخواہ یا مراعات نہیں دی جائیں گی۔

ملیحہ ہاشمی نے اس حوالے سے سماجی روابط کی ویب سائٹ ٹویٹر پر ٹویٹ کرتے ہوئے لکھا کہ بطور نمائندہ خصوصی تقرری قابل فخر ہے اور میں شکریہ ادا کرتی ہوں کہ مجھے کرونا وائرس کے بحران میں اپنی خدمات پیش کرنے کا موقع دیا گیا۔

Honoured to have been appointed as Special Representative to PM Focal Person #Corona Philanthropy Drive. ??

Thanks @khurshid071 4 entrusting me with this role, enabling me to serve ?? in #COVID crisis! ?#Pakistan trusts PM #ImranKhan 's sincere effort to BEAT it, Insha Allah! pic.twitter.com/HwqBv47n2d

— Maleeha Hashmey (@MaleehaHashmey) May 6, 2020