وفاقی کابینہ کے اجلاس کی جو فوٹیج سامنے آئی ہے اس میں دیکھا جا سکتا ہے کہ کابینہ کے لوگ ساتھ ساتھ بیٹھے ہوئے ہیں اور ایک وزیر کو چھوڑ کر کسی بھی وزیر نے ماسک نہیں پہنا ہوا۔
سوشل میڈیا صارفین نے ملک میں کرونا وائرس کی موجودہ صورتحال کے پیش نظر حکومتی ارکان کی جانب سے اس قسم کی لاپرواہی پر حیرت کا اظہار کیا ہے۔
Scary video of the federal cabinet meeting. Why can’t they meet via video conferencing? Only one person wearing a mask in a close space and all sitting too close. May be I am too paranoid. May be not. What do you say? pic.twitter.com/dA6a01bRup
— Murtaza Solangi (@murtazasolangi) April 7, 2020
واضح رہے کہ آج وزیراعظم عمران خان کی زیر صدارت وفاقی کابینہ کا اجلاس ہوا جس میں کرونا وائرس کی موجودہ صورتحال پر بریفنگ دی گئی۔ کابینہ نے کچھی کینال منصوبے کی تحقیقات ایف آئی اے سے لے کر نیب کے حوالے کرنے کی منظوری بھی دی۔
اس کے علاوہ اجلاس میں موجودہ سیاسی صورت حال، ملکی معاملات، آٹا چینی بحران کی انکوائری رپورٹ پر بھی گفتگو کی گئی۔
وزیراعظم عمران خان نے حالیہ فیصلوں پر کابینہ اراکین کو اعتماد میں لیتے ہوئے کہا کہ عوام سے رپورٹس پبلک کرنے کا وعدہ پورا کر دیا، 25 اپریل کو کمیشن کی رپورٹ سامنے آنے پر مزید ایکشن ہوگا، جو بھی ملوث ہوا اس کے خلاف قانون کے مطابق کارروائی ہوگی۔