نیا دور نیوز ڈیسک:۔
میڈیا سے گفتگو میں فیصل چوہدری کا کہنا تھاکہ بانی پی ٹی آئی نے کہا کہ پاکستان کے مسائل پر مذاکرات کی حامی بھری ہے، حکومت کی مذاکراتی ٹیم کی سنجیدگی پر مذاکرات کی حامی بھری۔
انہوں نے کہا کہ کمیٹی کی بانی سے ملاقات نہ کرانا مذاکرات سبوتاژ کرنے کی کوشش ہے۔
فیصل چوہدری کا کہنا تھاکہ بانی نے مسنگ پرسن کی تحقیقات کیلئے قاضی انور کی سربراہی میں کمیٹی بنا دی ہے، قاضی انور کی سربراہی میں کمیٹی اتوار تک اپنی رپورٹ مکمل کرے گی اور پارٹی کو بھی مسنگ پرسن معاملے پر کام کرنے کی ہدایت کی گئی ہے۔
انہوں نے مزید کہا کہ پروپیگنڈا اکاؤنٹ سے متعلق بانی پی ٹی آئی نے اہم ہدایات جاری کی ہیں، بانی نے بشریٰ بی بی، شہدا سے متعلق پروپیگنڈا والےسوشل میڈیا اکاؤنٹس کی مذمت کی جبکہ عمران خان بانی نے عرب ممالک سےمتعلق پروپیگنڈے والے سوشل میڈیا اکاونٹس کی مذمت کی اور کہا ہے کہ ان اکاؤنٹس سے پی ٹی آئی کا کوئی تعلق نہیں ہے۔
مذاکرات اس وقت ملک و قوم کی اہم ضرورت ہیں اور اگر یہ مذاکرات کامیاب ہو جاتے ہیں تو ملک میں سیاسی ،سماجی اور معاشی استحکام پیدا ہو گا جس کا ڈائریکٹ فائدہ عام آدمی اور ملک کی عوام کو ہو گا۔ اس لئے پی ٹی آئی اور حکومت کے درمیان مذاکرات کامیاب ہونا اس وقت کی اہم ضرورت ہے اس میں بھی کوئی دو رائے نہیں کہ چند عناصر ان مذاکرات کو سبوتاث کرنا چاہتے ہیں۔