پنجاب حکومت کی معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا ہے کہ علی امین گنڈاپور کے مریم نواز کے حوالے سے بیان پر لوگوں کے تحفظات ہو سکتے ہیں لیکن اس بیان سے متعلق ان کی آئیڈیالوجی پر ان کے ساتھ ہوں۔
فردوس عاشق اعوان کا کہنا تھا کہ علی امین گنڈا پور انکے قابل احترام بھائی ہیں اور وہ گلگت بلتستان میں الیکشن مہم کو لیڈ کر رہے ہیں۔ الیکشن مہم میں مریم نواز ہماری قیادت پر زہر اگل رہی ہیں اور قومی اداروں پر حملے کر رہی ہیں، کوئی بھی غیرت مند اس بیانیے کو قبول نہیں کرے گا۔ اسی لئے علی امین نے یہ سب کہا۔ علی امین گنڈاپور کی طرف سے مریم نواز کے متعلق کئے جانے والے ذاتی حملے پر فردوس عاشق اعوان کا کہنا تھا کہ انکا ری ایکشن میں الفاظ کا چناؤ شاید مناسب نہیں تھا لیکن مریم بی بی اپنی اداؤں پر غور کریں تو امین گنڈا پور کو یہ کہنے کی ضرورت نہیں تھی۔
