خیال رہے کہ وکی اور کترینہ گذشتہ روز سات پھیرے لے کر جنم جنم کے ساتھی بن چکے ہیں۔ ان کی شادی ہوتے ہی مبارکبادوں کا سلسلہ جاری تھا لیکن سب سے خاص مبارکباد انوشکا شرما کی تھی۔
اداکارہ نے جوڑے کے نئے پتے کے بارے میں سب کو بتا دیا ہے۔ خبر ہے کہ شادی کے بعد دونوں انوشکا اور ویرات کے پڑوسی بن جائیں گے۔
وکی اور کترینہ اپنی شادی کے بعد جلد ہی ممبئی کے جوہو علاقے میں ایک نئے پرتعیش اپارٹمنٹ میں شفٹ ہونے والے ہیں جہاں اداکارہ انوشکا شرما اور ٹیم انڈیا کے سابق کپتان ویرات کوہلی ان کے پڑوسی ہوں گے۔
انوشکا نے بھی جوڑے کو مبارکباد دی اور تصدیق کی کہ وہ اب پڑوسی بنیں گے۔ انوشکا نے اپنے انسٹاگرام اسٹوری پر جوڑے کی ایک تصویر شیئر کی۔
انوشکا نے کیپشن میں لکھا کہ آپ دونوں خوبصورت لوگوں کو مبارک ہو! آپ ساری زندگی خوش رہیں، میری نیک خواہشات آپ کیساتھ ہیں۔
View this post on Instagram
انہوں نے کیپشن میں مزید لکھا کہ یہ بھی خوشی کی بات ہے کہ آپ کی بالاخر شادی ہوگئی ہے لہذا میں امید کرتی ہوں کہ آپ اب جلد ہی اپنے نئے گھر میں منتقل ہونگے تو آپ کے فلیٹ سے آنے والے تعمیراتی کاموں کے شور سے ہماری جان چھوٹ جائے گی۔
انوشکا شرما کے اس کیپشن سے واضح ہے کہ وہ مسلسل توڑ پھوڑ کی آوازوں سے تنگ آچکی ہیں۔