ٹام کروز نے اپنا وزن بڑھا لیا، مداح نیا روپ دیکھ کر حیران

ہمیشہ چست اور توانا نظر آنے والے ہالی ووڈ کے لیجنڈ اداکار ٹام کروز نے لگتا ہے ان دنوں ورزش کرنا چھوڑ دی ہے، ان کی حالیہ تصاویر سے تو یہی لگتا ہے کیونکہ اس میں وہ کافی فربہ نظر آ رہے ہیں۔

ٹام کروز کی یہ تصاویر سان فرانسسکو میں ایک بیس بال میچ دیکھنے کے دوران سامنے آئیں۔ 59 سالہ ہالی ووڈ اداکار کے ہمراہ اس موقع پر ان کے فرزند بھی موجود تھے۔ میچ دیکھنے کیلئے آئے شائقین اپنے درمیان لیجنڈ اداکار کو دیکھ کر حیران رہ گئے۔

Tom Cruise is in attendance at @SFGiants game tonight. It is Fleet Week in San Francisco #ResilientSF #Postseason pic.twitter.com/uRGX98xv6X

— Chris Alvarez (@CAlvarezABC7) October 10, 2021

ٹام کروز کی تصاویر منظر عام پر آئیں تو سوشل میڈیا صارفین ان کی صحت کے بارے میں چہ مگوئیاں کرنے لگے اور فکرمند نظر آئے۔



ایک صارف کا کہنا تھا کہ کوئی مجھے بتائے گا کہ ٹام کروز نے اہنے جسم کیساتھ کیا کر لیا ہے۔ ایک دوسرے صارف نے لکھا کہ یہ ٹام کروز ہو ہی نہیں سکتے، لگتا ہے کہ کوئی شخص ان کا مصنوعی چہرہ لگا کر ہمیں بے وقوف بنا رہا ہے۔

خیال رہے کہ ٹام کروز کا شمار موجودہ دور کے کامیاب اداکاروں میں ہوتا ہے۔ 3 جولائی 1962ء کو امریکا میں پیدا ہونے والے اس اداکار نے ہالی ووڈ کو کئی بلاک بسٹر فلمیں دیں۔ ان میں ٹاپ گن اور مشن امپاسیبل سیریز سرفہرست ہیں۔



انہوں نے اپنی اداکاری کا آغاز 1980ء کی دہائی سے شروع کیا تھا۔ ٹام کروز کی پہلی فلم رسکی بزنس تھی جس میں انہوں نے ایک کامیڈی رول ادا کیا تھا۔

1986ء ٹام کروز کی تقدیر بدلنے کا سال تھا کیونکہ اس کے بعد انہوں نے کبھی پیچھے مڑ کر نہیں دیکھا۔



اس سال مشہور زمانہ فلم ٹاپ گن ریلیز ہوئی جس کا شمار ہالی ووڈ کی کلاسک فلموں میں ہوتا ہے۔

اس کا پارٹ ٹو ''میورک'' کے نام سے تیار ہے تاہم عالمی وبا کورونا وائرس کی وجہ سے اسے ابھی تک سینما گھروں کی زینت نہیں بنایا گیا ہے۔ اس کے علاوہ مشن امپاسبل کے ساتویں پارٹ کی بھی فلم بندی مکمل کر لئی گئی ہے۔