ٹی اداکارہ شویتا تیواری نے اپنے دوسرے شوہر کے خلاف بیٹی پلک تیواری اور خود پر تشدد کی شکایت پولیس کو کی جس کے بعد ابھینو کوہلی کو گرفتار کر لیا گیا ااور انہیں ضمانت پر رہائی ملی، معاملہ میڈیا پر آیا تو کچھ بھارتی چینلزنے یہ خبر دی کہ شویتا کے شوہر پر اپنی سوتیلی بیٹی کو جنسی طور پر ہراساں کرنے کا الزام ہے تاہم اب معاملے پر پلک تیواری نے اپنی انسٹاگرام پوسٹ میں وضاحت کی ہے۔
پلک نے لکھا ‘سب سے پہلے میں ان لوگوں کا شکریہ اداکرنا چاہوں گی جنہوں نے فکرظاہر کی اور مدد کیلئے ہم تک پہنچے۔ اب میں اپنی طرف سے کچھ چیزیں صاف کرنا چاہتی ہوں۔
میں پلک تیواری کئی موقعوں پر گھریلو تشدد کا شکار ہوئی ہوں۔ میری ماں گھریلو تشدد متاثر نہیں ہے۔ شکایت درج کرانے والے دن سے پہلے کبھی انہوں نے ماں پر ہاتھ نہیں اٹھایا تھا۔ بطور ریڈر یہ بھول جانا کافی آسان ہوتا ہے کہ بند دروازوں کے پیچھے کیا چھپا ہے یہ آپ نہیں جانتے۔ میری ماں نے اپنی دو شادیوں میں کتنا صبر دکھایا ہے۔ آپ میں سے کئی لوگوں نے خوش قسمتی سے ایسے حالاتوں کا سامنا نہیں کیا ہوگا۔
https://www.instagram.com/p/B1Eo9M1noVE/?utm_source=ig_web_copy_link
پلک نے لکھا، ‘ابھینو کوہلی نے کبھی مجھے غلط طریقے سے نہیں چھوا۔ انہوں نے میرا جنسی استحصال نہیں کیا۔ ایسی خبریں پھیلانے سے پہلے اور ان پر یقین کرنے سے پہلے یہ ضروری ہے کہ آپ صحیح فیکٹ جان لیں۔
وہ مسلسل مجھ پر ڈسٹربنگ کمینٹ کرتے تھے ایسے جو کہ کوئی اور خاتون سنے تو وہ بھی شرمندگی محسوس کرے۔
ا س معاملے پر شویتا تیواری کے پہلے شوہر راجہ جودھری کا بیان بھی آچکا ہے۔ جب اس بارے میں ان سے پوچھا گیا تو انہوں نے کہا مجھے میڈیا کے ذریعے اس بارے میں اطلاع ملی۔ میری پلک سے بات ہوئی ہے۔ اس نے کہا کہا فکر کرنے کی کوئی ضرورت نہیں ہے۔ میں ٹھیک ہوں۔ ایک باپ کے طور پر میرے لئے یہ بات پریشان کرنے والی بات ہے
یاد رہے کہ شویتا تیواری کی طرف سے اپنے دوسرے شوہر کے خلاف گھریلو تشدد کی درخواست دی تھی جس پر پولیس نے انہیں گرفتار کر لیا تھا جنہیں بعدازاں ضمانت پر رہائی ملی۔
