ویڈیو میں آپ دیکھ سکتے ہیں کہ موٹر سائیکل پر سوار دو افراد ویڈیو بنا رہے ہیں اور ان کے پیچھے جان ابراہم سیاہ لباس میں اپنے بال ٹھیک کرتے نظر آ رہے ہیں۔ اسی دوران جب ان کی نظر ویڈیو بنانے والے شخص پر پڑتی ہے تو وہ جلدی میں اس شخص کا فون چھین کر تیزی سے آگے نکل جاتے ہیں۔ جان ابراہم کا یہ انداز دیکھ کر موٹر سائیکل سوار لوگ حیران رہ گئے اور اداکار کے پیچھے بھاگنے لگے۔
View this post on Instagram
حیران ہونے کی کوئی بات نہیں کیونکہ جان ابراہم نے اپنے مداحوں کے ساتھ صرف ایک مذاق کیا تھا۔ اس کے بعد انہوں نے فون واپس مداحوں کے حوالے کر دیا۔ ویڈیو پوسٹ کے کمنٹ سیکشن میں مداحوں نے جان ابراہم کی تعریف کی۔
خیال رہے کہ جان ابراہم جلد ہی اداکارہ دیویا کھوسلہ کے ساتھ فلم ستیہ میو جیتے ٹو میں نظر آئیں گے۔ فلم 25 نومبر کو سینما گھروں میں نمائش کے لیے پیش کی جائے گی۔