عالمی ادارہ صحت کے سربراہ کا کہنا ہے کہ انھیں امید ہے کہ کرونا وائرس کی وبا دو برس سے کم مدت میں ختم ہو جائے گی۔
جمعہ کو جنیوا میں خطاب کرتے ہوئے عالمی ادارہ صحت کے سربراہ ٹیدروس ادھانوم کا کہنا تھا کہ سنہ 1918 میں ابتدائی طور پر ہسپانوی فلو کی وبا پر قابو پانے میں دو برس لگے تھے۔
لیکن انھوں نے مزید کہا کہ ٹیکنالوجی کی دنیا میں ترقی اس وائرس کو کم وقت میں روکنے میں مدد دے سکتی ہے۔
ان کا کہنا تھا یقیناً زیادہ میل ملاپ سے اس وائرس کے پھیلنے کا زیادہ امکان ہے لیکن اس وقت ہمارے پاس اس کو روکنے کی ٹیکنالوجی اور علم موجود ہے۔انھوں نے اس موقع پر عالمی اتحاد کی اہمیت پر زور دیا۔ انہوں نے کہا کہ بلاشبہ زیادہ میل جول سے وائرس کے زیادہ تیزی سے پھیلنے کے امکانات ہیں۔
عالمی ادارہ صحت کے سربراہ نے کرونا وائرس کے خاتمے کے لیے قومی اتحاد اور عالمی یکجہتی پر زور دیا۔
واضح رہے کہ 1918 میں پھیلنے والے اسپینش فلو سے تقریباً 50 لاکھ افراد ہلاک ہوئے اور کرونا وائرس سے اب تک دنیا بھر میں 8 لاکھ افراد ہلاک ہوچکے ہیں جب کہ وائر سے 22 ملین سے زائد لوگ متاثر ہوئے۔