دبئی میں ہونے والی فائٹ میں محمد وسیم نے تین مرتبہ کے ڈبلیو بی سی لائٹ فلائی ویٹ کے سابق چیمپئن میکسیکو کے گانیگان لوپیز کو ہرایا۔ دلچسپ و سننی خیز مقابلہ دونوں باکسروں کے درمیان آٹھ راؤنڈز تک جاری رہا، محمد وسیم نے ہر راؤنڈ میں شاندار مکہ بازی کا مظاہرہ کیا اور حریف باکسر کو سنبھلنے نہ دیا۔
پاکستانی نژاد برطانوی باکسر عامر خان بھی محمد وسیم کا حوالہ بڑھانے کیلئے دبئی میں موجود تھے۔ جنہوں نے پوری فائٹ دیکھی اور کامیابی کے بعد محمد وسیم کو گلے لگا کر مبارکباد پیش کی۔
Thank you so much to @amirkingkhan for your support. Heard your advice whilst fighting and it definitely helped. Good seeing you brother?? #FalconvsLopez pic.twitter.com/ELsgwdhlVx
— Muhammad Waseem ? (@iamfalconwaseem) November 22, 2019
کامیابی کے بعد اپنے بیان میں محمد وسیم نے کہا کہ ایک بار پھر پاکستان کا نام روشن کیا جس پر مجھے فخر ہے، آج کی فتح پاکستانی بھائیوں کے نام کرتا ہوں۔
Alhamdulilah for the victory. I dedicate this win to my beautiful nation. Thank you to all my fans and supporters for the love and wishes. We move to 10-1 now???#FalconWaseem #FalconvsLopez pic.twitter.com/M74GWnNjjw
— Muhammad Waseem ? (@iamfalconwaseem) November 22, 2019
واضح رہے کہ محمد وسیم کے پروفیشنل کیریئر کی یہ گیارہویں فائٹ تھی جس میں سے وہ 10 فائٹ جیت چکے ہیں۔ 10 فتوحات میں سے 7 بار انہوں نے حریفوں کو ناک آؤٹ کیا۔ محمد وسیم نے رواں سال ستمبر میں ہونے والی فائٹ میں فلپائن کے باکسر کونراڈو تانامور کو صرف 62 سیکنڈز میں ناک آؤٹ کیا تھا۔