وزیراعظم آفس نے وزیراعظم کے دورہ سعودی عرب میں صحافیوں کو ساتھ لیجانے کی خبروں کی تردید کردی۔
ٹوئٹر پر جاری بیان میں کہا گیا کہ وزیراعظم کے دورہ سعودی عرب کے دوران کوئی صحافی بھی ان کے ہمراہ نہیں ہوگا۔ اس حوالے سے سوشل میڈیا پر گردش کرنے والی خبریں سراسر جھوٹی اور گمراہ کن ہیں۔
https://twitter.com/PakPMO/status/1518847883197382657
اس سے قبل حسن نواز کے حوالے سے بھی خبریں چلائی گئی تھیں کہ انہیں بھی سرکاری خرچ پر سعودی عرب بلایا گیا ہے۔
سابق وزیراعظم میاں نوازشریف کے صاحبزادے حسین نواز نے کہا ہے کہ وہ جدہ میں پہلے سے اپنے گھر میں موجود ہیں۔
ٹوئٹر پر جاری بیان میں حسین نواز نے نجی ٹی وی کی خبر کا اسکرین شاٹ شیئر کیا۔
https://twitter.com/Hussain_NSharif/status/1518731450996113408
ٹوئٹ میں حسین نواز کا کہنا تھا کہ وہ ذاتی اخراجات پر جدہ آئے ہیں، انہوں نے نہ پہلےکبھی سفارتخانے سے سہولت حاصل کی اور نہ اب کریں گے۔
یاد رہے کہ وزیراعظم شہبازشریف کے 3 روزہ دورہ سعودی عرب کی تیاریاں جاری ہیں اور ابتدائی فہرست کے مطابق وزیراعظم کے دورے میں اتحادی جماعتوں کے قائدین سمیت کُل 53 ارکان شامل ہوں گے۔
