اسرائیلی اخبار نے دعویٰ کیا ہے کہ وزیراعظم عمران خان کے سابق مشیر اور تحریک انصاف کے رہنما زلفی بخاری نے گزشتہ نومبر میں اسرائیل کا دورہ کیا تھا۔
اسرائیلی اخبار کی جانب سے کئے گئے دعوے میں کہا گیا ہے کہ پاکستانی وزیر اعظم عمران خان کے سینئر مشیر ، سید زلفی بخاری نے نومبر کے آخری ہفتے میں اسرائیل کا مختصر دورہ کیا ،اخبار کے مطابق وزیراعظم عمران خان کے مشیر برطانوی شہری ہیں اور انہوں نے برطانوی پاسپورٹ پر اسرائیل کا دورہ کیا اور تل ابیب پہنچے، اور موساد کے سربراہ سے ملاقات کی.
https://twitter.com/avischarf/status/1409398110590210052
اخبار نے دعویٰ کیا ہے کہ زلفی بخاری نے وزارت خارجہ میں سینئر حکام سے ملاقات کی اور پاکستان کے وزیراعظم عمران خان کا خصوصی پیغام پہنچایا، زلفی بخاری کا یہ دورہ متحدہ عرب امارات کی کوششوں سے ہوا کیونکہ عرب امارات نے اسرائیل کو تسلیم کر رکھا ہے جبکہ اخبار کے رپورٹ کے مطابق اسرائیلی حکام نے اس دورے کی تصدیق کی ہے
دونوں ممالک کی بحیرہ اسود میں امریکی بحریہ کے ساتھ مشترکہ بحری مشق میں شرکت کے پس منظرپر بات چیت ہوئی، اسرائیل بین الاقوامی مشق میں مسلم ممالک مصر ، متحدہ عرب امارات ، پاکستان ، مراکش ، تیونس اور ترکی کے ساتھ حصہ لے گا۔ دیگر ممالک بھی اس مشق میں شریک ہوں گے مجموعی طور پر ، اس مشق میں چھ براعظموں ، 32،000 فوجیوں ، 32 جہازوں ، 40 طیاروں اور 18 ڈائیونگ اور کمانڈو عملے کے 32 ممالک کی ریکارڈ تعداد شریک ہو گی، اس مشق میں زمینی مشقیں ، غوطہ خوری کے کام ، سب میرین جنگ اور فضائی دفاع شامل ہیں کی جائیں گی.
اسرائیلی اخبار کا کہنا ہے کہ توقع کے مطابق ، اس مشق کا ماسکو میں خیرمقدم نہیں کیا گیا۔ روسی وزارت دفاع نے ہفتے کے روز اعلان کیا ہے کہ بحری جہاز بحیرہ اسود میں داخل ہونے والے امریکی میزائل جہاز ‘راس’ کا سراغ لگا رہا ہے۔ امریکی جہاز سمندری ہوا کی مشق کی تیاری کے لئے وہاں پہنچا تھا، روسی وزارت خارجہ کی ترجمان کا کہنا تھا کہ مشترکہ نیٹویوکرین مشق روس کی سرحدوں میں عدم استحکام پیدا کرنا ہے۔ یہ مشق یوکرائن میں ہتھیاروں اور سازو سامان کی منتقلی کے لئے استعمال کی جارہی ہے۔
دوسری جانب پاکستان کے صحافی سرل المیڈہ نے اس خبر پر تبصرہ کرتے ہوئے ٹویٹ کی اور کہا کہ ہم نے اسرائیلی اخبار کی سٹوری کو گوگل ٹرانسلیٹ کر کے پڑھ لیا، زلفی بخاری عمران خان کا پیغام لے کر گئے اوراسرائیلی حکام سے ملاقاتیں کیں اور یہ یو اے ای کے دباؤ پر ہوا اس خبر پر اسلام آباد کو کلیئر کرنا چاہئے کہ کس نے خبر لیک کی، اور یہ کیوں ہوا؟
https://twitter.com/cyalm/status/1409409532053307393
