پاکستان میں بڑھتے ہوئے کرونا کیسز اور ائیرپورٹس پر ٹیسٹنگ کی عدم سہولیات کے باعچ متحدہ عرب امارت نے کرونا وائرس کے پھیلاؤ کے پیش نظر پاکستان سے آنے والی تمام پروازیں منسوخ کر دیں ہیں۔
متحدہ عرب امارت کی جانب سے جاری سفری اعلامیہ کے مطابق پاکستان سے آنے والی تمام پروازیں اس وقت تک منسوخ رہیں گی جب تک پاکستان امارات جانے والے تمام مسافروں کا کرونا ٹیسٹ کروانے کا کوئی طریقہ کار نہیں بنا لیتا۔
متحدہ عرب امارات کی جنرل سول ایوی ایشن اتھارٹی کے اعلامیے کے مطابق پاکستان سے آنے والی ان تمام پروازوں پر اس وقت تک پابندی برقرار رہے گی۔ جب تک کہ پاکستان مسافروں کیلئے کرونا ٹیسٹنگ کا نظام مرتب نہیں کرتا۔ فیصلے سے متاثر ہونے والے مسافروں کو متعلقہ ائیر لائن حکام سے رابطہ کرنے کی ہدایت کی گئی ہے۔
واضح رہے کہ ملک میں کرونا وائرس کے کیسز میں روز بروز اضافہ ہوتا جارہا ہے، اب تک مریضوں کی کل تعداد 205249 ہوگئی ہے جب کہ اموات کی تعداد 4146 ہے۔