اپنے صاحبزادے جنید صفدر کی شادی کی خوشی میں مریم نواز نے بالی ووڈ کا مشہور گانا ''تم دینا ساتھ میرا او ہمنوا'' گا کر محفل لوٹ لی۔ 24 چینل کے مطابق اس موقع پر مریم نواز کے شوہر کیپٹن ریٹائرڈ صفدر بھی موجود تھے۔
مسلم لیگ (ن) کی نائب صدر مریم نوازشریف ان دنوں اپنے صاحبزادے جنید صفدر کی دعوت ولیمہ کی تیاریوں میں مصروف ہیں۔ اس لئے انہوں نے کچھ دنوں کیلئے اپنی سیاسی سرگرمیوں کو ترک کر رکھا ہے۔
جنید صفدر کی شادی عائشہ سیف کیساتھ لندن میں انجام پائی تھی۔ 22 اگست جو لندن کے مہنگے اور انتہائی پرتعیش ہوٹل میں ہوئی اس شادی کی تقریب میں مسلم لیگ (ن) کے قائد میاں نواز شریف اور اسحاق ڈار شریک ہوئے تاہم مریم اپنا نام ای سی ایل میں شامل ہونے کی وجہ سے شرکت نہیں کر پائی تھیں۔
شادی لندن کے انتہائی پُرتعیش اور مہنگے ترین فائیو سٹار ہوٹل لینزبرو میں 22 اگست کو سرانجام پائی تھی جس میں مریم نواز اورکیپٹن صفدر دونوں ہی شریک نہیں ہو سکے تھے۔
شادی کے تقریباً 3 ماہ بعد جنید صفدر کی تقریب ولیمہ کا انعقاد کیا جا رہا ہے لیکن 17 دسمبر کو پنڈال سجنے سے قبل ہی شریف خاندان کی جانب سے سیلیبریشن کا آغاز ہو چکا ہے۔
اس سے قبل سوشل میڈیا پر حمزہ شہباز شریف کے گانے کی ویڈیو خوب وائرل ہوئی۔ سننے والے لیگی رہنما کے سروں اور ان کی گائیکی پر انھیں خوب داد دے رہے ہیں۔
https://twitter.com/SilkLodhi/status/1467625610403106823?ref_src=twsrc%5Etfw%7Ctwcamp%5Etweetembed%7Ctwterm%5E1467625610403106823%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F74106%2Fhamza-shahbaz- song-video-viral-maryam-nawaz-pmln%2F
گانے کی یہ ویڈیو دراصل مریم نواز کے صاحبزادے جنید صفدر کے ولیمہ سے قبل رکھی گئی ایک تقریب کی ہے۔ اس تقریب میں شریف خاندان کے قریبی عزیز اور رشتہ دار شریک ہوئے۔
حمزہ شہباز شریف نے اس تقریب میں مائیک تھاما اور سروں کا جادو جگایا۔ انہوں نے انڈیا کے مشہور آنجہانی گلوکار کشور کمار کا گانا ‘ہمیں تم سے پیار کتنا’ گا کر محفل لوٹ لی۔ سننے والے انھیں داد دیئے بغیر نہیں رہ سکے۔
https://twitter.com/Shakeel_2211/status/1467745844283645956?ref_src=twsrc%5Etfw%7Ctwcamp%5Etweetembed%7Ctwterm%5E1467745844283645956%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F74106%2Fhamza-shahbaz- song-video-viral-maryam-nawaz-pmln%2F
اس موقع کی ایک اور ویڈیو بھی سوشل میڈیا پر وائرل ہو رہی ہے جس میں حمزہ شہباز مقبول گانا ‘سہانی چاندنی راتیں ہمیں سونے نہیں دیتیں’ گایا۔
ٹیگز: Junaid Safdar, Maryam Nawaz, Music, nawaz sharif, song, جنید صفدر, گانا, مریم نواز شریف, موسیقی, نواز شریف