سپریم کورٹ کے سینئر جج جسٹس قاضی فائز عیسیٰ کے حکم پر اسلام آباد مشہور شاہراہ دستور پر لگے قومی صحت کارڈ کے بینرز ہٹا دیئے گئے ہیں۔ عدالت پہنچنے سے قبل جسٹس قاضی فائز عیسی راستے میں لگے صحت کارڈ کے بینر سے ٹکرا گئے تھے جس پر انہوں نے عدالت پہنچتے ہی پہلا حکم بینرز ہٹانے کا جاری کیا۔
خبریں ہیں کہ جسٹس قاضی فائز عیسیٰ شاہراہ دستور کے گرین بیلٹ سے صبح پیدل سپریم کورٹ آ رہے تھے کہ فٹ پاتھ پر لگے بینر سے ٹکرا گئے۔ سپریم کورٹ پہنچ کر انھوں نے اپنے سٹاف کو صحت کارڈز بینرز اتارنے کا حکم دے دیا۔
ذرائع کا کہنا ہے کہ بینرز اتارنے کی ہدایات کیپیٹل ڈیویلپمنٹ اتھارٹی کے افسران تک پہنچا دی گئیں، جس پر انتظامیہ نے صحت کارڈ بینرز اور خاردار تاریں ہٹا دیں۔
جسٹس قاضی فائز عیسیٰ نے ریمارکس دیئے کہ بینرز اور خاردار تار کی وجہ سے کوئی فٹ پاتھ پر بھی نہیں چل سکتا۔
https://twitter.com/HassanAyub82/status/1488496024301809665?s=20&t=SodYjxjhET1RaJtlN6q8sA
صحافی حسان ایوب خان نے اپنی ٹویٹ میں بتایا کہ میں نے آج جسٹس قاضی فائز عیسیٰ سے پوچھا تھا کہ آپ نے صحت کارڈز کے بورڈز کو ہٹانے کا حکم دیا ہے؟ جس پر انہوں نے جواب دیا کہ فٹ پاتھ چلنے کی جگہ ہے خاردار تار کی نہیں ہے۔
