''یہاں پر بستر لگوائیں، میں آپ کے ساتھ“: لڑکی کی وقار ذکا کو ”ڈئر“ کی آفر

میڈیا پر اپنے انوکھے اور منفرد کردار اور تنازعات کی وجہ مشہور وقار ذکا ایک بار پھر خبروں میں ہیں۔ وقار ذکا بول انٹرٹینمنٹ پر ”چیمپئنز“ نامی شو کو ہوسٹ کر رہے ہیں جس میں حصہ لینے والی لڑکیوں کو غیر معمولی کام کرنا ہوتے ہیں، جس سے ان کی ہمت کا مظاہرہ ہو سکے۔

تفصیلات کے مطابق بول انٹرٹینمنٹ کے شو ”چیمپئنز“ میں ایک لڑکی نے دوران پروگرام آن کیمرہ وقار ذکا کو بستر پر ساتھ لیٹنے کی آفر کر دی۔ ٹی وی کی انتظامیہ اس مواد کو پروگرام کے پرومو میں تسلسل کے ساتھ نشر کر رہی ہے۔ بول انتظامیہ کے اس اقدام کو سوشل میڈیا پر تنقید کا نشانہ بنایا جا رہا ہے۔

وقار ذکا کے شو کا جو حصہ وائرل ہو رہا ہے، اس میں ایک نوجوان لڑکی سے وقار ذکا کرتے ہیں کہ آپ کیا کر سکتی ہیں؟ جس پر لڑکی جواب دیتی ہے کہ میں ایسا ڈئر یعنی مشکل کام کر سکتی ہوں جو آپ کے شو میں پہلے کبھی نہیں ہوا ہو گا، وقار ذکا لڑکی سے حیرت زدہ چہرے کے ساتھ پوچھتے ہیں کہ ایسا کیا ہے جو پہلے کبھی نہیں ہوا۔

جس پر لڑکی جواب دیتی ہے کہ بس ایسا کچھ ہے جو کہ آپ کے شو میں پہلے کبھی نہیں ہوا۔ وقار ذکا کے بار بار اصرار کرنے پر لڑکی اپنے ڈئر کی تفصیل بتاتی ہے۔

لڑکی وقار ذکا سے آن کیمرہ کہتی ہے کہ آپ بیڈ منگوا دیں جس پر وقار ذکا پوچھتے ہیں کہ میں یہاں پر بستر لگواﺅں، بستر لگوا کر کیا ہو گا؟ لڑکی جواب دیتی ہے کہ پھر میں آپ کے ساتھ ”ڈئر“ کروں گی۔

وقار لڑکی سے پوچھتے ہیں کہ میں بستر پر آﺅں گا اور آپ میرے ساتھ کیا کریں گی، میں بستر منگواﺅں اور اس پر بیٹھوں یا پھر لیٹوں؟ جس پر لڑکی کہتی ہے کہ آپ اس بستر پر لیٹیں گے، ٹی وی ہوسٹ جواب دیتے ہیں کہ میں لیٹوں گا اور اس کے بعد آپ میرے ساتھ ”ڈئر“ کریں گی اور وہ کیا ہوگا؟ جس پر لڑکی آخر میں بولتی ہے کہ وہ تو جب میں کروں گی تو آپ کو خود ہی پتا چل جائے گا۔

سوشل میڈیا صارفین کا کہنا ہے کہ نیشنل ٹی وی پر اس طرح کا مواد چلنا پیمرا کی کارکردگی پر سوالیا نشان ہے۔

اگر چینل بڑے لوگوں کا ھو تو پیمرا کی طرف سے کسی بھی قسم کے مواد کے دکھانے پر کوئی نوٹس نہیں ھوتا. pic.twitter.com/r1qepZ8Kgt

— صحرانورد (@Aadiiroy) October 1, 2019