سابقہ فاٹا کے علاقہ باجوڈ ایجنسی میں بار کونسل کی تقریب حلف برداری کے دوران ایم این اے
محسن داوڑ خطاب کرنے کیلئے مائیک پر پہنچے تو صوبائی امیر
جماعت اسلامی و سابق ایم این اے ہارون رشید نے ساتھیوں سمیت ان پر حملہ کر دیا۔ حملہ آوروں نے انتظامیہ اور
محسن داوڑ کے ساتھیوں سے ہاتھا پائی کی اور انہیں زد و کوب کیا۔ انہوں نے دیگر مہمانوں پر بھی تشدد کیا اور ان پر کرسیاں اٹھا کر پھینکیں۔ وزیرستان سے منتخب ایم این اے
محسن داوڑ حملہ آوروں سے بال بال بچے تاہم جلد ہی انہیں محفوظ مقام پر پہنچا دیا گیا۔
https://www.facebook.com/100048198240158/posts/184000603216547/?extid=0&d=n
محسن داوڑ اس وقت پیپلز پارٹی کے صوبائی رہنماء کی رہائش گاہ پر موجود ہیں اور پی ڈی ایم کی میٹنگ میں بذریعہ ویڈیو لنک شرکت کر رہے ہیں تاہم اس حملہ کے حوالے سے انہوں نے کوئی بیان نہیں دیا۔ انکے ساتھیوں کا کہنا ہے کہ وہ میٹنگ میں اس واقعے کا ذکر بھی کریں گے اور میٹنگ سے فارغ ہو کر اس حملے پر اپنا موقف پیش کریں گے۔
