Fri, May 03, 2024

’اگر امریکہ نے اگلے 15 دن میں کرونا وائرس کو ختم نہ کیا تو دنیا تیسری عالمی جنگ کی طرف چلی جائے گی‘

’اگر امریکہ نے اگلے 15 دن میں کرونا وائرس کو ختم نہ کیا تو دنیا تیسری عالمی جنگ کی طرف چلی جائے گی‘
شیئر کریں:
پاکستان کے سابق سینیٹر فیصل رضا عابدی نے انکشاف کیا ہے کہ روس کو پتا ہے کہ کرونا وائرس کہا بنا ہے، اگر امریکہ نے اگلے 15 دن میں اس وائرس کو ختم نہ کیا تو دنیا تیسری عالمی جنگ کی طرف چلی جائے گی۔

نجی ٹی وی چینل جی ٹی وی نیوز کے پروگرام میں بات کرتے ہوئے سابق سینیٹر فیصل رضا عابدی نے انکشاف کیا کہ کرونا وائرس کے پیچھے امریکہ کا ہاتھ ہے۔ انہوں نے کہا کہ امریکہ ایک کٹھ پتلی ہے جس کے پیچھے سات دماغ ہیں، ساتھ لوگ ہیں۔ کوئی ورلڈ بینک کی سربراہی میں ہے، کوئی آئی ایم ایف کی سربراہی میں ہے اور کوئی ورلڈ ہیلتھ آرگنائزیشن کی سربراہی میں ہے۔ کوئی میڈیا کو ہولڈ کر رہا ہے کوئی گوگل کو ہولڈ کر رہا ہے۔ یہ سات خاندان ہیں جس کی کٹھ پتلی امریکن صدر ہے اور دنیا کے 190 ممالک کے جو سربراہ ہوتے ہیں وہ امریکی صدر کی کٹھ پتلی ہوتے ہیں۔

انہوں نے کہا کہ میں یہ سب 2008 سے بتا رہا ہوں۔ 

کرونا وائرس کے حوالے سے اپنی گفتگو جاری رکھتے ہوئے سابق سینیٹر نے بتایا کہ روس، امریکہ پر اتنے میزائل مارے گا۔ اس کو تو پتا ہے یہ کہا بنا ہے۔ روس ان کا بیڑا غرق کر دے گا۔ اگر اگلے 15 دن میں اس ( کرونا وائرس) کو نہیں ختم کیا تو دنیا عالمی جنگ کی طرف چلی جائے گی۔ آپ کس خیال میں بیٹھے ہوئے ہیں۔

فیصل رضا عابدی کا مزید کہنا تھا کہ تھوڑا سا سوچنے کی کوشش کریں، آپ کہہ رہے ہیں یہ جان لیوا ہے۔ کہاں سے جان لیوا ہے؟ خوف نہ پھیلائیں۔



سابق سینیٹر کا یہ بھی دعویٰ ہے کہ یہ وائرس کہیں بھی پہنچا نہیں ہے بلکہ پہنچایا گیا ہے۔

ٹیگز: امریکہ, چین, فیصل رضا عابدی, کرونا وائرس

نیا دور