اب لوگوں کو بس صرف اس کا انتظار ہے کہ سارا علی خان کب محسن نوید رانجھا کے لیے ماڈلنگ کریں گی۔ اس سے پہلے محسن مشہور بالی وڈ ایکٹر رنویر سنگھ کے لیے بھی کپڑے ڈیزائن کر چکے ہیں۔ ہالی وڈ ایکٹریس تراوینا اسپرنگر بھی مس مارول میں محسن کے ڈیزائن کردہ کپڑے پہن چکی ہیں۔
ہفتے میں کم از کم ایک بار اپنی سابقہ بیویوں سے ملاقات ضرور کرتا ہوں: عامر خان
میں بھلے کتنا ہی مصروف کیوں نہ ہوں، ہفتے میں کم از کم ایک بار اپنی سابقہ بیویوں سے ملاقات ضرور کرتا ہوں۔ یہ انکشاف کیا ہے بالی وڈ کے مسٹر پرفیکشنسٹ عامر خان نے۔ انہوں نے کہا کہ میرے دل میں اپنی دونوں سابقہ بیگمات کے لیے بہت عزت ہے۔ ہم ہمیشہ ایک فیملی ہی رہیں گے۔ ہم سب ایک دوجے کا بہت خیال رکھتے ہیں۔ عامر خان کی پہلی شادی رینا دتہ سے ہوئی تھی اور پھر کرن راؤ سے مگر دونوں ہی ناکام ثابت ہوئیں۔
ٹی وی پر آنے سے پہلے قلفیاں، سبزی اور چائے بیچا کرتا تھا: سدیش لہری
انڈین کامیڈین سدیش لہری نے انکشاف کیا ہے کہ وہ ٹی وی پر آنے سے پہلے قلفیاں، سبزی اور چائے بیچا کرتے تھے۔ سدیش نے کہا کہ میں اس قدر غریب تھا کہ کبھی سکول کا منہ تک نہیں دیکھا۔ ننگے پاؤں چائے بیچا کرتا تھا اور وہ بھی فیکٹریوں میں جا کر۔ گھر میں چائے نہیں بنتی تھی اسی لیے اس چائے میں سے ہی ایک کپ پی جایا کرتا تھا۔ شادیوں میں گاتا بھی تھا اور مٹھائی کی دکان پر بھی کام کیا۔ یہ سب بیچنے کے لیے ایکٹنگ ہی تو کرنا پڑتی تھی۔
بالی وڈ ایکٹریس نینا گپتا کا انوکھا شکوہ
بالی وڈ کے مرد اداکار جوان لڑکیوں کے ساتھ کام کرنا پسند کرتے ہیں جبکہ میری عمر زیادہ ہو چکی ہے۔ اس لیے کوئی بھی مرد ایکٹر میرے ساتھ کام نہیں کرتا۔ یہ شکوہ کیا ہے سینئر بولی وڈ ایکٹریس نینا گپتا نے۔ بولیں حالانکہ میں ان تمام لڑکیوں سے زیادہ جوان دِکھتی ہوں۔ ہمای سوسائٹی تبدیل نہیں ہوئی۔ یہ ویسی کی ویسی ہے۔ ساتھ ہی شکریہ ادا کیا اداکار رام کپور کا کیونکہ انہوں نے ان کے ساتھ کام کی حامی بھر لی تھی۔
عبدو روزک کو سلمان خان نے اپنی فلم میں کام دے دیا
دنیا کے سب سے چھوٹے قد کے سنگر عبدو روزک کو سلمان خان نے اپنی فلم میں کام دے دیا۔ تاجک سنگر اور ایکٹر کی عمر 18 سال جبکہ قد صرف 3 فٹ ہے۔ وہ انٹرنیٹ پر کافی مقبول ہیں اور اب سلمان خان کی نئی فلم ''بھائی جان'' میں ایک اہم کریکٹر نبھائیں گے۔ اس بارے میں تاجک سنگر کا کہنا تھا کہ انہوں نے کبھی خواب میں بھی نہیں سوچا تھا کہ وہ اتنے بڑے سٹار کے ساتھ اپنی ڈیبیو فلم کریں گے۔
عالیہ بھٹ کا دھماکے دار بیان
میں ماں بننے والی ہوں تو کیا ہوا؟ مجھے آرام کی کوئی ضرورت نہیں ہے۔ میں تو 100 سال کی عمر میں بھی کام کروں گی۔ یہ دھماکے دار بیان داغا ہے عالیہ بھٹ نے۔ کہتی ہیں لوگ مجھے مشورہ دے رہے ہیں کہ آرام کرلو، حاملہ ہو تم۔ ان دنوں میں کام نہیں کیا کرتے۔ پر میں تو اس وقت تک کام کروں گی جب تک میری صحت اجازت دے گی۔ اس وقت میں بالکل فٹ ہوں، اس لیے آرام کی کیا ضرورت بھلا؟
وکرانت رونا نے مقبولیت میں کے جی ایف کو بھی پچھاڑ ڈالا
کچا سدیپ اور جیکولین فرنینڈس کی نئی فلم وکرانت رونا نے مقبولیت میں کے جی ایف کو بھی پچھاڑ ڈالا۔ وکرانت رونا نے ریلیز کے پہلے دن ہی 100 کروڑ انڈین یعنی 288 کروڑ پاکستانی روپوں کا بزنس کر لیا۔ اب تک یہ فلم باکس آفس پر 110 کروڑ بھارتی یعنی 317 کروڑ پاکستانی روپے کما چکی ہے۔ اور صرف اتنا ہی نہیں بلکہ وکرانت رونا کنڑ زبان میں بننے والی تیسری فلم ہے جس نے پہلے ہی ہفتے 100 کروڑ بھارتی روپوں سے زیادہ کا بزنس کیا ہے۔