حوا کی بیٹیاں غیرت کے نام پر سماج کی بھینٹ چڑھ گئیں، رحیم یار خان میں غیرت کے نام پر چار خواتین کو قتل کر دیا گیا۔
پولیس حکام کا کہنا ہے کہ کاروکاری کے الزام میں شوہر نے اپنی بیوی اور 3 بیٹیوں قتل کر دیا ہے جبکہ ایک خاتون شدید زخمی ہے۔ زخمی خاتون کو تشویشناک حالت میں شیخ زید ہسپتال منتقل کر دیا گیا۔
یہ افسوسناک واقعہ تھانہ کوٹسمابہ کے علاقے میں مبارک روڈ پر پیش آیا۔ پولیس نے خواتین کے قتل میں ملوث 2 افراد کو گرفتار کر لیا۔ ادھر وزیراعلیٰ پنجاب نے واقعہ کا نوٹس لے کر رپورٹ طلب کر لی ہے۔
![رحیم یار خان میں غیرت کے نام پر چار خواتین کا قتل](https://urdu.nayadaur.tv/digital_images/large/2021-12-06/news-1688380165-9177.jpg)