تفصیلات کے مطابق پیمرا نے ’ نیو ٹی وی‘ کا لائسنس فوری طور پر معطل کرنے کا حکم نامہ جاری کرتے ہوئے کہا کہ ’ نیو ٹی وی‘ غیرقانونی طور پر نیوز و کرنٹ افئیرز پروگرام نشر کر رہا تھا جبکہ ’ نیو ٹی وی‘ کو جاری شدہ لائسنس انٹرٹینمنٹ کیٹیگری پر مبنی مواد نشر کرنے کا ہے۔
— Report PEMRA (@reportpemra) May 6, 2020
PEMRA suspends NEO TV licence with immediate effect on illegal transmission of News and Current Affairs content pic.twitter.com/r5VuSSCwjw
— Report PEMRA (@reportpemra) May 6, 2020
واضح رہے کہ اس سے قبل پاکستان الیکڑونک میڈیا ریگولیٹری اتھارٹی نے نیو ٹی وی کو فوری طور پر غیرقانونی نیوز و کرنٹ افئیرز پر مبنی پروگرام بند کر کے صرف منظور شدہ ’انٹرٹینمنٹ‘ مواد نشر کرنے کا حکم دیا تھا۔
پیمرا کی پریس ریلیز میں کہا گیا تھا کہ نیو ٹی وی لائسنس میں جاری شدہ انٹرٹینمنٹ کیٹیگری پر مبنی مواد نشر کرے۔
یاد رہے کہ نیو ٹی وی نے پیمرا کے احکامات کو اسلام آباد ہائیکورٹ میں چینلج کیا ہوا تھا۔ تاہم ہائی کورٹ نے نیو ٹی وی کی اپیل رد کرتے ہوئے پیمرا کے احکامات کو درست قرار دیا تھا۔
پیمرا کے مطابق نیو ٹی وی کو متعدد مرتبہ باورا کرنے کے باوجود وہ مسلسل پیمرا قوانین کی خلاف وزری کرتا رہا۔ اس ضمن میں پیمرا نے کہا کہ اتھارٹی نے متعدد مواقع فراہم کیے کہ وہ صرف منظور شدہ انٹرٹینمنٹ مواد نشر کرے اور نیوز و کرنٹ افئیرز پروگرام بند کر دے لیکن نیو ٹی وی نے پیمرا کے احکامات کو نظر انداز کیا اور مسلسل اتھارٹی کے قوانین کی خلاف ورزی جاری رکھی۔
گذشتہ دنوں جاری ہونے والے حکم نامے میں اتھارٹی نے نیو ٹی وی پر زور دیا تھا کہ نیوز بند کر کے انٹرٹینمنٹ چلائے۔ پیمرا نے نیو ٹی وی انتظامیہ کو خبردار کیا تھا کہ احکامات پر عملدرآمد نہ ہونے کی صورت میں چینل کے خلاف پیمرا قوانین کے مطابق تادیبی کارروائی ہو گئی۔
پیمرا نے نیو ٹی وی پر اتھارٹی کے احکامات کی خلاف ورزی پر 10 لاکھ روپے جرمانہ بھی عائد کیا تھا۔
PEMRA directs Neo TV to immediately stop illegal transmission of News and Current Affairs content & revert to its original programming of Entertainment pic.twitter.com/ouIkryPQ1u
— Report PEMRA (@reportpemra) April 30, 2020