میٹا کی زیر ملکیت انسٹنٹ میسیجنگ ایپلی کیشن واٹس ایپ میں ایک نئے فیچر کا اضافہ کر دیا گیا جس کے ذریعےفون نمبر کے ساتھ ساتھ ای میل کے ذریعے اکاؤنٹس میں لاگ ان ہونے کا فیچر متعارف کرایا جارہا ہے۔
WABetaInfo کی رپورٹ کے مطابق ابھی یہ فیچر بیٹا (beta) ورژن میں متعارف کرایا گیا ہے۔
رپورٹ میں کہا گیا کہ اس نئے فیچر سے صارفین ای میل ایڈریس کو واٹس ایپ اکاؤنٹ سے منسلک کر سکیں گے۔
یہ فیچر ایس ایم ایس ویری فکیشن کی جگہ نہیں لے گا بلکہ اس وقت صارفین کے لیے مددگار ثابت ہوگا جب وہ ایس ایم ایس کے ذریعے 6 ہندوں کے کوڈ کو موصول کرنے سے قاصر ہوں گے۔
یہ نیا فیچر بیٹا ورژن میں واٹس ایپ کے اکاؤنٹ سیکشن میں دیا گیا ہے۔
The discussion for the WhatsApp features mentioned in our weekly summary is now open!
— WABetaInfo (@WABetaInfo) November 6, 2023
We'll be focusing on questions and feedback related to these features:
1) Log into WhatsApp through your email address -- but you still need a phone number to create a new account.
2) Forward… pic.twitter.com/2TgkUcNOR7
فی الحال واٹس ایپ اکاؤنٹ سے صارف کا فون نمبر جڑا ہوتا ہے۔ نمبر بند ہونے کی صورت میں صارف اپنے اکاؤنٹ سے ہاتھ دھو سکتا ہے۔ ای میل ویری فکیشن فیچر اس وقت بہت زیادہ کارآمد ثابت ہوگا جب آپ کسی ایسی جگہ نئی ڈیوائس پر واٹس ایپ اکاؤنٹ پر سائن ان ہونے کی کوشش کریں گے جہاں موبائل نیٹ ورک دستیاب نہیں ہوگا یا کسی نئے فون میں سم لگائے بغیر اپنا واٹس ایپ اکاؤنٹ استعمال کرنے کے خواہشمند ہوں گے۔
اس فیچر پر واٹس ایپ کی جانب سے کئی ماہ سے کام کیا جارہا ہے اور اب یہ بیٹا ورژن میں محدود صارفین کے لیے متعارف کرایا گیا ہے۔
اس سے عندیہ ملتا ہے کہ مستقبل میں اسے تمام صارفین کے لیے متعارف کرایا جا سکتا ہے۔
واضح رہے کہ میٹا کی زیر ملکیت میسجنگ ایپ نے حالیہ مہینوں میں متعدد نئے فیچرز کا اضافہ کیا ہے۔