سماجی رابطوں کی ویب سائٹ ٹویٹر پر جاری ویڈیو میں دیکھا جا سکتا ہے کہ حبیب نورمحمدوف ایک تقریب میں شریک ہیں وہاں ان سے پاکستان کے بارے میں سوال پوچھا گیا تو ان کا کہنا تھا کہ انہیں رواں سال کی شروعات میں دورہ پاکستان کی دعوت دی گئی تھی۔
ایم ایم اے ریسلر حبیب نورمحمدوف نے کہا کہ میری بہت خواہش ہے کہ میں پاکستان کا دورہ کروں، انشاء اللہ میں جلد اس سرزمین کا دورہ کروں گا۔
Most welcome legend @TeamKhabib ?? pic.twitter.com/p50FQs1kzC
— Ihtisham Ul Haq (@iihtishamm) October 5, 2021
خیال رہے کہ روسی ایم ایم اے ریسلر نے گزشتہ سال ریٹائرمنٹ کا اعلان کر دیا تھا، ان کی آخری فائٹ ابوظہبی میں ہوئی جس میں وہ اپنے حریف جسٹن گیچی کو شکست دینے میں کامیاب رہے تھے۔
حبیب نے ریٹائرمنٹ کا اعلان کرتے ہوئے کہا تھا کہ اس آخری فائٹ کا مقصد اپنے والد کو خراج تحسین پیش کرنا تھا۔ وہ میرے استاد اور کوچ بھی تھے۔ خیال رہے کہ حبیب کے والد عبدالمناپ جولائی 2020ء میں کورونا وائرس کے باعث وفات پا گئے تھے۔