مسلم لیگ ن کی نائب صدر مریم نواز شریف نے کہا ہے کہ عمر بھر سازشیں کرنے والا فتنہ عمران خان ملک کی سلامتی کے درپے اور آئین کی دھجیاں اڑا رہا ہے۔ خانہ جنگی کو ہوا دے رہا ہے۔
سماجی رابطوں کی ویب سائٹس پر جاری اپنے بیان میں مریم نواز شریف نے لکھا کہ کیا سیاست دانوں کی پگڑیاں اچھالنےاور ہر آئینی ادارے کو گالی دینے والے شخص کو کھلی چھوٹ ہے کہ افواج پاکستان کو صرف اس لئے تماشا بنائے کہ وہ آئینی حلف پر قائم ہیں؟
https://twitter.com/MaryamNSharif/status/1523671755294146561?s=20&t=7RaAy9tofz1UIKM-an5I-Q
مریم نواز شریف نے لکھا کہ اپنی نااہلی سے ملک کو تباہ وبرباد کرنے کے بعد اس کی شکایت صرف یہ کہ میرا ساتھ کیوں نہیں دے رہے؟ میرا ساتھ نہیں دو گے تو شرمناک القابات سے پکاروں گا؟
ان کا کہنا تھا کہ احسان فراموشی کرنے والا یہ محسن کش شخص جس کا نام عمران خان ہے حضرت علی کے قول کے مطابق اپنے ہی محسنوں کے خلاف اٹھ کھڑا ہوا ہے۔
https://twitter.com/MaryamNSharif/status/1523673442054459393?s=20&t=7RaAy9tofz1UIKM-an5I-Q
یاد رہے کہ اس سے قبل لیگی رہنما مریم نواز نے کچھ روز قبل اپنی ایک ٹویٹ میں لکھا تھا کہ عمران خان پاکستان میں جو تباہی مچا کر گیا ہے، مسلم لیگ ن اور شہباز شریف دن رات کرکے اس کو ٹھیک کرنے میں جُتے ہوئے ہیں۔
انہوں نے کہا تھا کہ انشاء اللّہ ملک میں بہتری آئے گی، مگر معیشت کو ڈبونے اور غریب عوام کو مہنگائی کی چکی میں پیسنے والے توشہ خان کو اپنے جرائم سازش کی آڑ میں چھپانے نہیں دینا۔
ٹیگز: Army, establishment, Imran Khan, Maryam Nawaz Sharif, pakistan, PMLN, PTI, اسٹیبلشمنٹ, پاک فوج, پی ٹی آئی, عمران خان, مریم نواز شریف, مسلم لیگ ن