تفصیلات کے مطابق پشتون تحفظ موومنٹ کے سربراہ منظور پشتین بھی عالمی وبا کا شکار ہو گئے ہیں۔ پی ٹی ایم کے سرکردہ رہنما عبداللہ ننگیال نے ٹویٹر پر اس بات کی تصدیق کی ہے کہ منظور پشتین کا کرونا ٹیسٹ مثبت آیا ہے اور تمام تر احتیاطی تدابیر اپناتے ہوئےانہوں نے خود ہی اپنے آپ کو آئسولیٹ کر لیا ہے۔
د پشتون ژغورنې غورځنګ مشر منظور پشتین او د پی ټی ایم مخکش علی وزیر کرونا ټیسټونه پازیټیو راغلي او ټول احتیاطی تدابیر مو ې نیولي
الله تعالی دې دواړو ته صحت ورکړي
آمین ثم آمین
— Abdullah Nangyal (@a_baitanai) May 13, 2020
واضح رہے کہ اس سے قبل پی ٹی ایم رہنما و رکن قومی اسمبلی علی وزیر میں کرونا وائرس کی تصدیق ہوئی تھی۔ قومی اسمبلی کے رکن اور پی ٹی ایم کے رہنما محسن داوڑ نے ٹویٹ کرتے ہوئے علی وزیر کے کرونا وائرس میں مبتلا ہونے کی خبر دی تھی۔
محسن داوڑ نے اپنی ٹویٹ میں لکھا تھا کہ پی ٹی ایم کے رہنما اور ہمارے دوست علی وزیر میں کووڈ 19 کی تصدیق ہوئی ہے۔ وہ ضروری احتیاطیں اختیار کر رہے ہیں اوراب تک ان کی طبعیت ٹھیک ہے۔ ہم سب سے ان کو دعاؤں میں یاد رکھنے کی درخواست کرتے ہیں۔