Fri, November 08, 2024

Get Alerts

نورا فتحی 200 کروڑ روپے کے فراڈ کیس میں طلب

نورا فتحی 200 کروڑ روپے کے فراڈ کیس میں طلب
شیئر کریں:
کینیڈین نژاد بھارتی اداکارہ نورا فتحی کو 200 کروڑ روپے کے فراڈ کیس میں انفورسمنٹ ڈائریکٹوریٹ کے ادارے میں طلب کیا گیا تھا جہاں انہوں نے حکام کے سامنے پیش ہو کر اپنا بیان ریکارڈ کروایا۔

میڈیا رپورٹس کے مطابق بھتہ خوری اور فراڈ کے اس مقدمے میں غیر معروف اداکارہ لینا پال اور ان کے شوہر چندرا شیکھر کو پہلے ہی گرفتار کیا جا چکا ہے۔ نورا فتحی کو اسی گرفتار جوڑے کیساتھ مبینہ تعلق پر تفتیش کیلئے بلایا گیا تھا۔

خبریں ہیں کہ اس کیس میں مزید اداکارائوں کے نام سامنے آ رہے ہیں جن میں جیکولین فرنانڈیس بھی شامل ہیں، انھیں بھی انفورسمنٹ ڈائریکٹوریٹ کے سامنے پیش کے احکامات جاری کر دیئے گئے ہیں۔



 

لیکن یہ خبریں سامنے آ رہی ہیں کہ چندراشیکھر نامی ملزم نے نورا فتحی اور جیکولین فرنانڈیس کو بھی مالی نقصان پہنچایا تھا، ان دونوں ایکٹریس کا اس کیس سے کوئی تعلق نہیں ہے۔

ادیتی سنگھ نامی ایک خاتون نے لینا پال اور چندرا شیکھر کی شکایت کی تھی جس پر حکام نے حرکت میں آتے ہوئے دونوں کو گرفتار کر لیا۔



ادیتی سنگھ نے دعویٰ کیا تھا کہ اس کا خاوند شویندر سنگھ ایک مقدمے میں گرفتار تھا، اسی دوران ایک شخص نے سینئر افسر بن کر ٹیلی فون پر ان کیساتھ رابطہ کیا اور کہا کہ اگر اسے منہ مانگی رقم ادا کی جائے تو ان کا شوہر رہا ہو سکتا ہے۔



خاتون کا کہنا تھا کہ انہیں بتایا گیا کہ یہ رقم بی جے پی کے فنڈ میں جمع ہوگی۔ جبکہ وہ اسی فنڈ کی مد میں جون 2020ء سے لے کر اب تک وہ اس ملزم چندرا شیکھر کو 200 کروڑ روپے دے چکی ہیں۔



نورا فتحی کا نام اس کیس میں آتے ہی وہ سوشل میڈیا پر ٹاپ ٹرینڈ بن چکی ہیں۔ لوگ اس فراڈ کیس میں ان کے مبینہ ملوث ہونے پر طرح طرح کے تبصرے کر رہے ہیں۔



ایک سوشل میڈیا صارف نے انیل کپور کی فلم ’نائیک‘ کی فوٹو شیئر کی جس پر لکھا تھا ’سب کے سب چور ہیں۔‘



اس کے علاوہ ٹویٹر پر نورا فتحی کی ایک ویڈیو وائرل ہورہی ہے جس میں وہ انڈین انفورسمنٹ ڈائریکٹوریٹ‘ کے آفس میں داخل ہو رہی ہیں۔
ٹیگز: جیکولین فرنانڈیس, فراڈ کیس, نورا فتحی

نیا دور