پی ٹی ایم کے مرکزی رہنما اور ممبر قومی اسمبلی علی وزیر کو پشاور پولیس نے گرفتار کر لیا ہے۔ یہ گرفتاری علی وزیر کی سانحہ اے پی ایس کی برسی کے حوالے سے ایک تقریب میں شرکت کے بعد کی گئی ہے۔
اس حوالے سے علی وزیر کی رہائی کا مطالبہ کرتا ایک ٹویٹر ٹرینڈ بھی بن چکا ہے جس میں علی وزیر کی فوری رہائی کا مطالبہ کیا جا رہا ہے۔
علی وزیر کو کن الزامات کے تحت گرفتار کیا گیاہے یہ واضح نہیں لیکن سوشل میڈیا پر دستیاب اطلاعات کے مطابق انہیں ریاست کے خلاف عوام کو اکسانے کے الزام پر اغوا کیا گیا ہے۔
یاد رہے کہ علی وزیر کو ا سے قبل ریاست مخالف سرگرمیوں کے الزام میں گرفتار کر لیا تھا تاہم انہیں ہمیشہ عدم ثبوت پر چھوڑ دیا گیا۔
