وزیر اعظم عمران خان نے دعویٰ کیا ہے کہ سینیٹ انتخابات میں اکثریت سے کامیاب ہوں گے۔
کابینہ اجلاس سے خطاب کرتے ہوئے وزیر اعظم نے وزراء سے کہا کہ وہ اراکین قومی و صوبائی اسمبلی سے رابطوں میں رہیں، چاہتے ہیں اس انتخاب میں پیسہ نہ چلے۔
وزیراعظم نے کہا کہ سینیٹ انتخابات میں ٹکٹ میرٹ پر دیے، کارکنان کا احترام کرتے ہیں۔
انہوں نے کہا کہ اوپن بیلٹ کی مخالفت کرنے والے الیکشن کے بعد روئیں گے، اوپن بیلٹ سے متعلق سپریم کورٹ کے فیصلے کے منتظر ہیں، سپریم کورٹ جو حکم دے گی احترام کریں گے۔
