صوبہ سندھ کے ضلع گھوٹکی میں نوتن مل نامی ایک ہندو استاد پر نویں جماعت کے طالب علم نے توہین رسالت کا الزام عائد کیا ہے۔ جس کے بعد سے شہر کے حالات کشیدہ ہیں۔ مشتعل ہجوم نے ہندو استاد کے سکول اور گھر پر حملہ کیا۔ احتجاجی مظاہرے کے دوران ایک گروہ نے دکانوں کے تالے توڑ کر نقدی اور دیگر سامان بھی چوری کیا۔ پولیس نے ہندو استاد کو گرفتار کر کے توہین رسالت کی دفعہ 295 سی کے تحت مقدمہ درج کر کے نوتن مل کو گرفتار کر لیا ہے۔