مسلم لیگ ن کی رہنما حنا پرویز بٹ نے عورت مارچ پر پابندی کے حوالے سے وفاقی وزیر برائے مذہبی امور پیر نور الحق کے خط کیخلاف پنجاب اسمبلی میں قرارداد جمع کرا دی ہے۔
لیگی رہنما حنا پرویزبٹ نے اپنی قرارداد میں خط پر تشویش کا اظہار کرتے ہوئے کہا ہے کہ پنجاب کا یہ مقدس ایوان عورت مارچ پر پابندی لگانے کی تجویز پر گہری تشویش کا اظہار کرتا ہے۔
حنا پرویز بٹ نے قرارداد میں کہا کہ حکومت خواتین کے حقوق کا تحفظ کرنے کی بجائے ان کی آواز دبانا چاہتی ہے۔ اسلام اور پاکستانی آئین میں عورت کے حقوق واضح ہیں۔ حکومت عورت پر بڑھتے تشدد، تعصب منفی رویے اور نفرت کا تاثر ختم کرے۔
انہوں نے اس خط میں عورت مارچ پر پابندی سے متعلق کہا کہ یہ ایوان وفاقی وزیر کی جانب سے عورت مارچ پر پابندی کی تجویز کو مسترد کرتے ہوئے مطالبہ کرتا ہے کہ حکومت عورت مارچ کے مطالبات پر سنجیدگی سے غور کرے۔ حنا پرویز بٹ نے حکومت سے یہ بھی مطالبہ کیا کہ عورت مارچ کے شرکا کی فول پروف سیکیورٹی یقینی بنائی جائے۔
https://twitter.com/hinaparvezbutt/status/1494585226370379780?ref_src=twsrc%5Etfw%7Ctwcamp%5Etweetembed%7Ctwterm%5E1494585226370379780%7Ctwgr%5E%7Ctwcon%5Es1_c10&ref_url=https%3A%2F%2Fwww.siasat.pk%2Fforums%2Fthreads%2FD8B9D988D8B1D8AA-D985D8A7D8B1DA86-D8B3DB92-D985D8AAD8B9D984D982-D988D8B2DB8CD8B1D985D8B0DB81D8A8DB8C-D8A7D985D988D8B1-DAA9DB92D8AE-D9BED8B1-D8ADD986D8A7D9BED8B1D988DB8CD8B2D8A8D9B9-D982D8B1D8A7D8B1D8AFD8A7D8AF-D984DB92-D8A2D8A6DB8CDABA.813938%2F
یاد رہے کہ وفاقی وزیر برائے مذہبی امور کی جانب سے ایک خط صدر پاکستان اور وزیراعظم کو لکھا گیا ہے جس میں عورت مارچ کو سماجی روایات اور مذہبی اقدار کے مطابق کرنے کا پابند بنائے جانے کا مطالبہ کیا گیا ہے اور مندرجات میں وفاقی وزیر نے کہا ہے کہ عورت مارچ میں اسلامی شعائر، معاشرتی اقدار، حیا و پاکدامنی، پردہ و حجاب پر کیچڑ اچھالنے کی ہرگز اجازت نہ دی جائے۔
وفاقی وزیر نے کہا کہ مجھے عورت مارچ مجھے ان کے نعروں پر اعتراض ہے، عورت مارچ والوں کے کچھ نعرے قابل اعتراض تھے۔ اسلام کا جو میانہ روی کا فلسفہ ہے میں اس کے ساتھ چلنے والا آدمی ہوں، ہم تنوع کے خلاف نہیں، دین اور معاشرتی اقدار پر حملوں کے خلاف ہیں۔
![عورت مارچ پر پابندی کی تجویز سے متعلق وزیر مذہبی امور کے خط کیخلاف حنا پرویز بٹ قرارداد لے آئیں](https://urdu.nayadaur.tv/digital_images/large/2022-02-18/news-1688380658-4646.jpg)