آزادی صحافت پر ایک اور حملہ، سینئر اینکر پرسن ڈاکٹر دانش کو حکومت اور وزیراعظم کے معاون خصوصی زلفی بخاری پر تنقید کرنا مہنگا پڑ گیا۔ حکومت نے نوٹس بھیج کر پروگرام کو آف ائیر کروا دیا۔ ڈاکٹر دانش 92 نیوز پر جواب چاہیے کہ نام سے پروگرام کرتے ہیں۔
ڈاکٹر دانش نے اپنے آفیشل ٹویٹر اکاؤنٹ پر ٹویٹ کرتے ہوئے کہا کہ اظہار رائے کی آزادی پاکستان کا آئین ہمیں دیتا ہے حکومت پروگرام کو نوٹسز بھیج کر، شو کو آف آئیر کر کے، پابند کر کے اس حق کو نہ دبا سکتی ہے نہ ختم کر سکتی ہے۔
اظہارےرائےکی آزادی پاکستان کاآئین ہمیں دیتاہےحکومت پروگرام کونوٹسسز بھیج کرشوکوآف آیرکرکےیابندکرکےاس حق کونہ دباسکتی ہےنہ ختم کرسکتی ہے
— Dr.Danish (@DrDanish5) March 18, 2020
ٹویٹس کا سلسلہ جاری رکھتے ہوئے ڈاکٹر دانش نے انکشاف کیا کہ زلفی بخاری وزیر اعظم کے داماد ہیں۔ انہوں نے اپنی ٹویٹ میں کہا کہ زلفی بخاری وزیراعظم کا داماد ہے، انکار ہے تو یہ شخص تردید کرے۔ اس وقت ملک میں کرونا وائرس کی آمد اس نااہل شخص کی نااہلیت کا ثبوت ہے۔
ذلفی بخاری وزیراعظم کاداماد ہےاہم زرائع
انکارہےتو یہ شخص تردید کرےاس وقت ملک میں کروناوائرس کی آمداس نااہل شخص کی نااہلیت کاثبوت ہے
— Dr.Danish (@DrDanish5) March 17, 2020
ایک اور ٹویٹ میں ڈاکٹر دانش نے کہا کہ داماد ایک شرعی رشتہ ہے اطلاع کے مطابق پنکی صاحبہ کی بیٹی سے اگر زلفی کی شادی ہوئی ہے تو وہ عمران خان کے داماد بھی ہوئے، اس میں غلط کیا ہے! انکار کریں تو سوری کروں گا۔
دامادایک شرعی رشتہ ہےاطلاع کےمطابق پنکی صاحبہ کی بیٹی سےاگرزلفی کی شادی ہوئی ہےتووIKکےدامادبھی ہوئےاس میں غلط کیاہے!انکارکریں توسوری کرونگا
— Dr.Danish (@DrDanish5) March 17, 2020
ڈاکٹر دانش نے یہ بھی کہا کہ پاکستان میں کرونا وائرس کی آمد کا سبب ایران سے آنے والے زائرین ہیں، جو مرکزی حکومت کی نااہلیت اور زلفی بخاری جیسے نااہل شخص کی ناقص پالیسی کا نتیجہ ہے۔
پاکستان میں کروناوائرس کی آمدکاسبب ایران سےآنےوالےزائرین ہیں جومرکزی حکومت کی نااہلیت اورزولفی بخاری جیسےنااہل شخص کی ناقص پالیسی کانتیجہ ہے
— Dr.Danish (@DrDanish5) March 17, 2020
واضح رہے کہ خواجہ آصف نے بھی یہ الزام عائد کیا تھا کہ وزیر اعظم کے معاون خصوصی زلفی بخاری نے زائرین کو تفتان سے پاکستان کے مختلف حصوں میں آنے کی اجازت دی، اب یہ قافلے کہاں ہیں اور کن شہروں میں ہیں کچھ پتا نہیں۔
زلفی بخاری نے اپنے بیان میں اس الزام کو مسترد کرتے ہوئے کہا کہ میں نے یا پاکستان تحریک انصاف (پی ٹی آئی) کے کسی اور رہنما نے تفتان بارڈر کے ذریعے کسی کو پاکستان آنے کی اجازت دینے کے عمل میں اپنا اثر و رسوخ استعمال نہیں کیا۔
زلفی بخاری نے کہا کہ خواجہ آصف کے الزامات بالکل بے بنیاد اور پروپیگنڈے پر مبنی ہیں، کورونا ایک عالمی وبا ہے اور ہمیں ایک دوسرے پر الزام تراشی کرنے کی بجائے اکٹھے ہو کر لڑنے کی ضرورت ہے۔
ریکارڈ کی درستگی کے لئیے : میری نہ تو وزیراعلی بلوچستان سے کبھی تفتان سے زائرین کو روکنے یا بھیجنے کے بارے میں بات ہوئی اور نا ہی کسی اور ادارے فورم پر اس سلسلے میں کسی بھی طرح سے اثرانداز ہوا۔کرونا عالمی وبا ہے ہمیں ایک دوسرے پر الزام تراشی کی بجائے اکھٹے ہو کر لڑنے کی ضرورت ہے
— Sayed Z Bukhari (@sayedzbukhari) March 17, 2020
واضح رہے کہ دنیا بھر کی طرح پاکستان میں بھی کرونا کے مریضوں کی تعداد ہر گزرتے دن کے ساتھ بڑھتی جا رہی ہے۔ چاروں صوبوں میں مزید کیسز سامنے آنے کے بعد ملک میں وائرس سے متاثرہ افراد کی تعداد 237 ہو گئی ہے۔
ڈاکٹر دانش کا 92 نیوز پر نشر ہونے والا آخری پروگرام
https://www.youtube.com/watch?v=S6n63AAKwJM