92 نیوزپر شو بند ہونے کے بعد ڈاکٹر دانش نے انکشاف کیا ہے کہ عمران حکومت کا پچھلے سال نومبر میں جانا طے تھا تاہم ایک اہم کام کی وجہ سے انہیں مارچ تک کا وقت مل گیا ۔
ڈاکٹر دانش نے ٹویٹ کی ہے جس میں لکھا ہے کہ اب کرونا کی وجہ سے کچھ اور وقت اس حکومت کو ملے گا۔ انہوں نے کہا کہموجودہ نااہل حکومت کاجانانومبرمیں ٹہرالیکن ایک اہم کام کی وجہ سےمارچ تک کاوقت مل گیاتھااب کرونانےاس نااہل حکومت کومزیددنوں کاموقع دلادیا۔
یاد رہے کہ ڈاکٹر دانش 92 نیوز پر ایک شو کے میزبان تھے تاہم مبینہ طور پر حکومت پر تنقید کرنے کی پاداش میں انکا شو بند کرا دیا گیا۔ کہا جا رہا ہے کہ وہ ایران سے زائرین کے پاکستان داخلے میں زلفی بخاری کے کردار کے حوالے سے شو کر رہے تھے جو کہ طاقتور حلقوں کو پسند نہیں آئے۔
جب سے موجودہ حکومت آئی ہے صحافیوں کے لئے اس پر تنقید کرنا بہت مشکل ہوچکا ہے۔
