تفصیلات کے مطابق پاکستان کرکٹ بورڈ (پی سی بی) کے چیئرمین رمیز راجہ نے ایشین کرکٹ کونسل کے اجلاس پر گفتگو کرتے ہوئے کہا کہ میری دبئی میں بھارتی کرکٹ بورڈ کے سربراہ سارو گنگولی سے ملاقات بھی ہوئی جس میں ہم نے دونوں ممالک کے درمیان کرکٹ امور پر تبادلہ خیال کیا۔
PCB Chairman Ramiz Raja reflects on his recent @ACCMedia1 meeting
— Pakistan Cricket (@TheRealPCB) October 18, 2021
More details: https://t.co/Ziev1apZ97 pic.twitter.com/ZR5K1Y9Rbe
رمیز راجہ نے کہا کہ 2022 میں ایشیاء ٹی ٹوئنٹی کپ سری لنکا میں ہوگا اور ایشیاء ون ڈے کپ 2023 پاکستان میں منعقد کیا جائے گا۔ رمیز راجہ کا کہنا تھا کہ میرے ساور گنگولی کے ساتھ اچھے تعلقات ہیں، میں ان کے ساتھ کھیلا ہوں۔
چیئرمین پی سی بی کا کہنا تھا کہ پاک بھارت کرکٹ تعلقات ضروری ہیں، سیاست سے الگ رکھنا چاہئے۔
ان کا کہنا تھا کہ اجلاس میں ،میں نے یاد کروایا کہ ایشین کرکٹ کونسل کیوں بنی تھی، ایشین کرکٹ کونسل ایشیائی ممالک کا زیادتی کے خلاف اتحاد تھا۔
پاکستان کرکٹ بورڈ (پی سی بی) کے چیئرمین رمیز راجہ کا مزید کہنا تھا کہ پاکستان سے ٹیموں کے واپس جانے پر ایشین کرکٹ کونسل کو بولنا چاہئے تھا۔