معروف نیوز ایجنسی ٹی سی ایم کو انٹرویو دیتے ہوئے صابر شاکر نے کہا تھا کہ اگر کسی خبر کو ٹوسٹ بنا کر پیش کرنے سے کسی فرد کا نہیں بلکہ قوم کا فائدہ ہورہا ہے تو اسے ضرور ٹوسٹ کرنا چاہیئے۔
انہوں نے مزید کہا کہ میرا پختہ یقین ہے کہ اگر خبر کی کہانی ملک کے قومی مفاد میں ہو تو اسے تبدیل اور مسخ کیا جانا چاہیے۔ اس کی وجہ یہ ہے کہ میں ایک محب وطن پاکستانی اور مسلمان ہوں۔
‘میرا پختہ یقین ہے کہ اگر کہانی ملک کے قومی مفاد میں ہو تو اسے تبدیل اور مسخ کیا جانا چاہیے۔ اس کی وجہ یہ ہے کہ میں ایک محب وطن پاکستانی اور مسلمان ہوں۔ pic.twitter.com/LNZqvXhFUP
— Omer Azhar (@OmerAzhar96) October 20, 2021
خیال رہے کہ صابر شاکر کے چینل نے ان کے پروگرام میں ان کی اور چوہدری غلام حسین کی طرف سے سابق وزیر خزانہ اسحاق ڈار پر جھوٹے الزامات لگانے پر معافی مانگی تھی۔ جبکہ صابر شاکر نے تردید کی تھی کہ ہم نے یا ہماری ٹیم نے معافی نہیں مانگی۔
نیو ویژن ٹیلی ویژن کی جانب سے اسحاق ڈار سے معذرت کرتے ہوئے کہا گیا ہے کہ 8 جولائی 2019ء کو دی رپورٹرز پروگرام نشر ہوا جس میں چودھری غلام حسین اور صابر شاکر نے دعویٰ کیا کہ اسحاق ڈار نے حکومت پاکستان کا پیسہ چرایا اور وہ ملک واپس آنے کی اجازت پر چرائی گئی رقم واپس کرنے پر آمادہ تھے۔
اے آر وائی کی اسحق ڈار کے خلاف جھوٹی خبر پر معذرت۔
— Waseem Abbasi (@Wabbasi007) October 18, 2021
مگر بولدے کیوں نئیں؟؟
pic.twitter.com/tR5WWcsS24
ٹیلی ویژن چینل نے اپنے معافی نامے میں لکھا کہ یہ دعویٰ بھی کیا گیا تھا کہ اسحاق ڈار کے بینک اکائونٹس کا سراغ لگا لیا گیا ہے جن میں چرائے گئے لگ بھگ ایک ارب ڈالرز موجود ہیں۔ پروگرام میں مزید تبصرے کیے گئے جس میں دعویٰ کیا گیا کہ سحاق ڈار نے کسی فرد کو موت کی دھمکیاں دلوائیں تاکہ وہ فرد پاکستان سے باہر چلا جائے۔
معافی نامے میں کہا گیا ہے کہ ہم اسحاق ڈار کا موقف تسلیم کرنے پر تیار ہیں۔ اول یہ کہ انہوں نے حکومت پاکستان کا کوئی پیسہ نہیں چرایا۔ دوئم یہ کہ اسحاق ڈار کے کسی بینک اکائونٹ کا سراغ نہیں ملا۔ نتیجتاً پیسے چرانے کا سوال ہی پیدا نہیں ہوتا۔ سوئم یہ کہ اسحاق ڈار کی جانب سے پاکستان واپیسی کی اجازت ملنے کی شرظ پر پیسہ واپس کرنے کا دعویٰ جھوٹا اور من گھڑت ہے۔ اور چہارم یہ کہ اسحاق ڈار نے کسی فرد کو موت کی دھمکیاں نہیں دیں۔
تحریری معافی نامے میں لکھا گیا ہے کہ 8 اگست 2019ء کو پاور پلے پروگرام نشر ہوا جس کے دوران وزیراعظم کے معاون خصوصی برائے احتساب وداخلہ نے دعویٰ کیا کہ اپنے دور میں اسحاق ڈار پاکستان کے فنانشل مانیٹرنگ یونٹ کے ذمہ دار تھے اور انہوں نے انتہائی سرگرم اور غیر مناسب طریقے سے یونٹ کے کاموں میں رکاوٹیں کھڑی کیں۔ فنانشل مانیٹرنگ یونٹ کو اہم اداروں کے سسٹم تک رسائی نہیں ہونے دی گئی۔ یہ دعویٰ بھی کیا گیا کہ اسحاق ڈار کے اقدامات کا مقصد چودھری شوگر ملز منی لانڈرنگ کیس میں بعض افراد کا تحفظ تھا۔
بیان میں کہا گیا کہ ہم اسحاق ڈار کا موقف تسلیم کرنے پر تیار ہیں کہ انہوں نے کبھی فنانشل مانیٹرنگ یونٹ کا انتظام نہیں سنبھالا۔ یونٹ اینٹی منی لانڈرنگ ایکٹ 2010ء کے تحت قائم کیا گیا تھا۔ یونٹ براہ راست سٹیٹ بینک آف پاکستان کے ماتحت کام کرتا ہے۔ اس لیے اسحاق ڈار نے فنانشل مانیٹرنگ یونٹ کے قیام میں کوئی رکاوٹ ڈالی نہ انہوں نے ایسا کوئی کام کیا۔