ریاست کو عمران خان سے ایک فتنے کی طرح نمٹنا ہوگا: مریم نواز شریف

مسلم لیگ ن کی نائب صدر مریم نواز شریف نے کہا ہے کہ جس طرح سے عمران خان فساد پھیلانے کی تیاری کر رہا ہے، ریاست کو اس سے ایک فتنہ کی طرح نمٹنا ہو گا۔

سماجی رابطوں کی ویب سائٹ ٹویٹر پر جاری اپنے بیان میں مریم نواز شریف نے لکھا کہ جس طرح سے عمران خان نے 4 سال میں ملک کے ہر شعبہ میں تباہی مچائی، ملک کو ہر سطح پر نقصان پہنچایا، جس ڈھٹائی سے آئین شکنی کی اور عدلیہ کے احکامات اور قانون کا مذاق بنایا،انھیں پاؤں تلے روندا، اور اب فساد پھیلانے کی تیاری کر رہا ہے۔

https://twitter.com/MaryamNSharif/status/1517822844302168064?s=20&t=pNQChSSCH0TlaQbpFkPsmA

مریم نواز کا کہنا تھا کہ عمران خان نے خطرناک کھیل کھیلا۔ یہ شخص اپنی کرسی کی خاطر کسی حد تک بھی جا سکتا ہے۔ یہ کسی بھی رحم یا رعایت کا مستحق نہیں ہے۔

انہوں نے اپنی ٹویٹ میں لکھا کہ قوم یہ جان کے کہ امریکی خط ڈرامے کی وجہ عارف نقوی کے خلاف متوقع فیصلہ ہے کیونکہ وہ جس الزام میں پکڑا گیا ہے۔ اس گھپلے میں عمران خان بھی شریک ہے کیونکہ عمران خان نے اس سے لاکھوں ڈالر غیر قانونی طور پر لیے ہوئے ہیں۔ ای سی پی پر حملہ آور ہونے کی وجہ غیر قانونی فنڈنگ کے ناقابل تردید شواہد ہیں۔

https://twitter.com/MaryamNSharif/status/1517823315230208002?s=20&t=pNQChSSCH0TlaQbpFkPsmA

ان کا کہنا تھا کہ اداروں پر حملے اور گھیراو جلاؤ کا سبق بھی جلد انتخابات کے لیے دبائو بڑھانے کا حربہ ہے۔ کان کھول کے سن لو! تمھاری غنڈہ گردی اور دھمکیاں اب تمھاری اپنی تباہی کا باعث بنیں گی۔ اپنی حکومت نہ سنبھال سکا، اپنی پارٹی نہ سنبھال سکا اور باتیں سن لو! تمھارا کھیل ہمیشہ کے لیے ختم انشاء اللّہ!