وزیراعظم عمران خان نے وفاقی وزیر سائنس اینڈ ٹیکنالوجی فواد چوہدری کو اپنا ترجمان مقرر کرنے کا فیصلہ کیا ہے۔
ایکسپریس نیوز سے حاصل معلومات کے مطابق وزیراعظم عمران خان نے اپنا ترجمان تبدیل کرنے کا اصولی فیصلہ کر لیا ہے، وزیراعظم کے ترجمان کے عہدے پر اب فواد چوہدری کو تعینات کیا جائے گا۔
تفصیلات کے مطابق ترجمان ندیم افضل چن نے وزیراعظم عمران خان سے معذرت کی ہے کہ وہ اس عہدے کے لیے موزوں نہیں جب کہ فواد چوہدری کو ترجمان وزیراعظم مقرر کرنے کا نوٹیفکیشن آئندہ چند دنوں جاری کیا جائے گا۔
واضح رہے کہ وزیراعظم کے ترجمان کے ساتھ فواد چوہدری بطور وزیر سائنس اینڈ ٹیکنالوجی بھی اپنے فرائض سرانجام دیں گے۔
