وزیراعلیٰ سندھ مراد علی شاہ اور ترجمان سندھ حکومت مرتضیٰ وہاب کی کرونا ٹیسٹ رپورٹس بھی آگئیں

ترجمان حکومت سندھ مرتضیٰ وہاب نے کہا ہے کہ ان کا اور وزیراعلیٰ سندھ مراد علی شاہ کا کرونا ٹیسٹ منفی آیا ہے۔

اپنے ایک بیان میں انہوں نے کہا کہ تشویش کی کوئی بات نہیں، ہم سب کو ایک دوسرے کیلئے دعا کرنی ہے۔ مجھ سمیت کابینہ کے تمام لوگ اپنے گھروں میں 3 دن کیلئے آئیسولیٹ ہوچکے ہیں۔ کرونا ٹاسک فورس کے اجلاس اب ویڈیو لنک پر ہوں گے۔

انہوں نے کہا کہ گذشتہ ایک ہفتے میں اجلاس میں شرکت کرنے والے تمام افراد کے کرونا ٹیسٹ کیے گئے ہیں۔

خیال رہے کہ وزیر تعلیم سعید غنی کا کرونا ٹیسٹ مثبت آیا ہے۔ سعید غنی نے تصدیق کرتے ہوئے بتایا ہے کہ ان کا کرونا وائرس کا ٹیسٹ ہوا تھا جس کے نتائج میں کرونا وائرس کے ان کے جسم میں موجودگی کی تصدیق ہوئی ہے۔

انہوں نے ٹویٹ میں لکھا ہے کہ ‘گذشتہ روز میں نے کرونا وائرس کا ٹیسٹ کروایا جس کی رپورٹ مثبت آئی ہے، تاحال جو علامات وائرس کے بتائے جاتے ہیں ان میں سے مجھے کچھ محسوس نہیں ہو رہا اور میں خود کو بالکل صحتمند محسوس کر رہا ہوں اور اپنی ذمہ داریاں گھر پر ایسولیشن میں رہ کر ادا کر رہا ہوں۔ شہری بھی گھروں پر رہیں’

گذشتہ روز میں نے کورونا وائرس کا ٹیسٹ کروایا جسکی رپورٹ مثبت آئی ہے تاحال جو Symptoms اس وائرس کے بتائے جاتے ہیں ان میں سے مجھے کچھ محسوس نہیں ہورہا اور میں خود کو بالکل صحتمند محسوس کررہا ہوں اور اپنی ذمہ داریاں گھر پر isolation میں رہ کر ادا کررہا ہوں۔ شہری بھی گھروں پر رہیں pic.twitter.com/2vzS7qt0SY

— Senator Saeed Ghani (@SaeedGhani1) March 23, 2020