سینئر تجزیہ کار اور صحافی سلیم صافی نے انکشاف کیا ہے کہ 27 مارچ سے پہلے حکومت کے تینوں اتحادی مسلم لیگ (ق)، ایم کیو ایم اور باپ پارٹی اپوزیشن کے عدم اعتماد کی تحریک کی حمایت کا باقاعدہ اعلان کر دیں گے۔ جے ڈی اے سردست حکومت کے ساتھ ہے لیکن وہ بھی یوٹرن لے سکتی ہے۔
https://twitter.com/SaleemKhanSafi/status/1506371203522564107?s=20&t=EY3gLKCaBeYYnMh-p-4vcg
یہ انکشاف انہوں نے سماجی رابطوں کی ویب سائٹ ٹویٹر پر جاری اپنے بیان میں دیا۔ سلیم صافی کا یہ انکشاف وزیراعظم کے معاون خصوصی ڈاکٹر شہباز گل کو برا لگا۔ انہوں نے اس ٹویٹ کو ری ٹویٹ کرکے اس پر اپنا سخت ردعمل دیا۔
ڈاکٹر شہباز گل نے اپنی ٹویٹ میں لکھا کہ اور اس کے بعد سلیم صافی نے وزیراعظم بن جانا ہے۔ بھائی جتنے مرضی اعلان کر لے تیری قسمت میں پھر بھی دن رات عمران خان کہ بغض میں جلنا، کُڑھنا، خبریں گھڑنا، جھوٹ بولنا اور تڑپنا ہی رہنا ہے۔
https://twitter.com/SHABAZGIL/status/1506457824892796934?s=20&t=RpKUELKIePVXtBNP-i1kEw
وزیراعظم کے معاون خصوصی کا کہنا تھا کہ اللہ نے آپ کو حسد کی ایسی بیماری میں مبتلا کیا جو لا علاج ہے۔ کرتا جا روز اعلان اپنی آخری سانس تک۔
سلیم صافی نے اپنی ایک اور ٹویٹ میں لکھا کہ یوم پاکستان مبارک ہو۔۔ سیلیکٹڈ وزیراعظم کو ان کے اقتدار کا آخری یوم پاکستان مبارک ہو۔ آرڈیننس فیکٹری کے سربراہ عارف علوی کو 23 مارچ کی آخری سلامی لینا مبارک ہو۔ انشااللہ مہنگائی کے شکار غریب عوام جلد سونامی کی تباہ کاریوں سے نجات پر ایک دوسرے کو مبارکباد دیں گے۔
