نسٹ نے اپنے آفیشل اکاؤنٹ کے ذریعے کہا کہ اس طرح کا کوئی واقعہ رونما نہیں ہوا ساتھ ہی ان تمام اطلاعات کو توجہ حاصل کرنے کے لیے ایک مایوس کن عمل قرار دیا اور ریپ کے جھوٹے الزامات پر تنقید بھی کی۔
ٹوئٹ میں مزید کہا گیا کہ کیسے فرد ہیں جو ریپ کے من گھڑت الزامات لگاتے ہیں؟
Recent tweets about the alleged rape of a NUST student are nothing but a heinous attempt to defame this prestigious seat of learning, a desperate act of seeking attention, and a complete hoax! (2/4)
— NUST (@Official_NUST) December 24, 2019
ساتھ ہی نسٹ نے ٹویٹ میں کہا کہ آئیے اس سوچ کہ ساتھ شروع کریں کہ ریپ کے جھوٹے الزامات زندگیوں، شہرت اور مستقبل کو تباہ کر دیتے ہیں، درحقیقت اس طرح کی غلط خبروں کا پرچار کرنا انتہائی خوفناک اور شرمناک عمل ہے۔
واضح رہے کہ نسٹ یونیورسٹی کے اسلام آباد کیمپس میں ایک طالبہ کے مبینہ ریپ کی رپورٹس زیر گردش ہیں، جن میں دعویٰ کیا جا رہا ہے کہ ایک طالبہ کو گرلز ہاسٹل کے پیچھے ایک مزدور کی جانب سے مبینہ طور پر جنسی زیادتی کا نشانہ بنایا گیا۔
ان رپورٹس میں یہ بھی الزام لگایا گیا کہ لڑکی کی جانب سے یونیورسٹی انتظامیہ کو شکایت کی گئی لیکن کوئی کارروائی نہیں کی گئی، علاوہ ازیں اب تک کوئی ایف آئی آر بھی درج نہیں کی گئی۔
یونیورسٹی کی جانب سے جاری کیا گیا بیان سوشل میڈیا پر شہریوں کے غم و غصہ کا باعث بنا اور انہوں نے الزام لگایا کہ یونیورسٹی الزام تراشی اور واقعے کو چھپانے کی کوشش کر رہی ہے۔
اس کے علاوہ کچھ طلبہ نے یونیورسٹی کے فیس بک پیج پر کمنٹس کیے اور اس بیان کے لب و لہجے کے معاملے کو اٹھایا۔
There has been a terrifying report about a sexual assault of a student on the premises of a campus at one of the biggest universities in #Islamabad.
The building was inaugurated this month, and the administration is trying to bury the matter by silencing the students who are+
— nuwanda (@ManalKhan0) December 24, 2019
علاوہ ازیں پروگریسو اسٹوڈنٹ فیڈریشن نے ٹوئٹر پر نسٹ کے بیان کی مذمت کرتے ہوئے اس پر سخت تحفظات کا اظہار کیا۔
When we contacted authorities of @Official_NUST they were even unaware of any such incident despite of news circulating among students for past 36 hrs. If it is fabricated, why report is not being publicized? https://t.co/w7x8ERm057
— PRSF (@ProgStudentsFed) December 24, 2019
انہوں نے کہا کہ ہم اس معاملے کی آزادانہ تحقیقات کا مطالبہ کرتے ہیں اور متاثرہ فریق اور گواہوں کی شناخت کے تحفظ کے ساتھ تحقیقاتی رپورٹ عوام کے سامنے لانے کا مطالبہ کرتے ہیں۔