صوبہ خیبر پختون خواہ کے دارلحکومت پشاور میں حکمران جماعت پاکستان تحریک انصاف کی جانب سے بنایا گیا بی آر ٹی سروس جو کئی سال سے تنقید کی ضد میں رہا اور بسوں میں فنی خرابی کے بعد 40 روز معطل رہنے اور خرابی دور کرنے کے بعد بھی بی آر ٹی کی بسوں میں فنی خرابیاں دور نہیں ہوسکی اور آج بی آر ٹی کی ایک اور بس فنی خرابی کی وجہ سے راستے میں رک گئی جس کے بعد ضلعی انتظامیہ نے بس کو ہٹانے کے لئے کرین منگوانا پڑ گئی۔
واضح رہے کہ بی آر ٹی کی سروس چالیس روز معطل رہنے کے بعد چار دن پہلے دوبارہ شروع کی گئی تھی مگر بسوں کی فنی خرابی دور کرنے کے باؤجود ایک بار پھر بی آر ٹی فن خرابیوں کا شکار ہے اور اس ہفتے دو بسوں میں فنی خرابیاں پیدا ہونے کے بعد آپریشن عارضی طور پر معطل رہا۔
معلومات کے مطابق پشاور بس ریپڈ ٹرانزٹ ملک سعد سٹیشن کے پاس ایک بار پھر رک گئی، بس کو مین روٹ سے ہٹانے کے لیے انتظامیہ نے کرین کی مدد سے بس کو ہٹا دیا.
ٹرانس پشاور کے ترجمان محمد عمیر نے نیا دور میڈیا کو بتایا کہ عوام کی بہتر مفاد میں آپریشن ایک بار پھر شروع کی گئی ہے اور بی آر ٹی ایک بڑا پراجیکٹ ہے جس میں چھوٹی موٹی خرابیاں اجاتی ہے.
انھوں نے مزید کہا کہ بسوں میں فنی خرابیوں کا سراغ لگا لیا ہے اور انتظامیہ نے آپریشن کو رواں دواں رکھنے کے لئے انجینئرز کی مدد حاصل کی ہے۔
