پاکستان پیپلز پارٹی کے چیئرمین بلاول بھٹو زرداری نے بھی طلبہ یونین کی بحالی کی حمایت کردی۔
بلاول بھٹو زرداری نے کہا ہے کہ پیپلزپارٹی طلبہ یونین کی بحالی کی حامی ہے، بینظیر بھٹو نے بھی طلبہ یونین بحال کر دی تھیں مگر معاشرے کو غیر سیاسی بنانے کیلئے طلبہ یونینز کی بحالی ختم کی گئی۔
BilawalBhuttoZardari
✔@BBhuttoZardari
The PPP has always supported Student unions. The restoration of student unions by SMBB was purposely undone to depoliticize society. Today students are marching in the #StudentSolidarityMarch for the restoration of unions, implementation of right to education, 1/2
BilawalBhuttoZardari
✔@BBhuttoZardari
end to privatization of public universities, implementation of sexual harassment legislation, right to student housing & the demilitarization of campuses. The spirit of activism and yearning for peaceful democratic process from a new generation of students is truly inspiring. 2/2
477 people are talking about this
سماجی رابطوں کی ویب سائٹ ٹوئٹر پر جاری پیغام میں بلاول نے مزید کہا کہ سرکاری جامعات کی نجکاری بند اور تعلیمی اداروں میں جنسی ہراسانی روکنے کے لیے قانون سازی کی جائے۔
بلاول نے یونیورسٹی کیمپسز کو غیر عسکری کرنے کا بھی مطالبہ کیا اور لکھا کہ طلبہ کی نئی نسل کا ایک پرامن جمہوری عمل کی بحالی کیلئے جوش و خروش متاثر کن ہے۔
خیال رہے کہ وفاقی وزیر برائے سائنس و ٹیکنالوجی فواد چوہدری نے بھی طلبہ تنظمیوں کی بحالی کی حمایت کی ہے۔
واضح رہے کہ طلبہ یونین کی بحالی کیلئے مختلف شہروں میں طلبہ احتجاج کررہے ہیں، سڑکوں پر طلبہ یونین کی بحالی کے حق میں نعرے لگائے گئے، لاہور میں ناصر باغ مال روڈ پر مختلف طلبہ تنظیموں کے زیراہتمام ریلی نکالی گئی جس میں بڑی تعداد میں طالبات نے بھی شرکت کی۔