وزیراطلاعات سندھ اور پیپلز پارٹی کے رہنماء سعید غنی نے نیادور میڈیا سے گفتگو میں کہا کہ آئی جی سندھ کلیم امام کی تعیناتی کے بعد سے کراچی سمیت سندھ بھر میں جرائم میں اضافہ ہوا، لوگوں کا پولیس پر اعتماد بھی خاصا کم ہوا ہے۔
ان کا کہنا تھا کہ کئی مقدمات زیرالتواء تھے جن کی تحقیقات میں پیش رفت نہیں ہوئی ہے، وزراء کے خلاف بےبنیاد انکوائریز شروع کی گئیں تاکہ انکو دباؤ میں لایا جاسکے جبکہ میڈیا میں حکومت کی خبریں بھی لیک کی گئیں، آئی جی سندھ کلیم امام اپوزیشن کے رہنماؤں سے خفیہ ملاقاتیں کر رہے تھے۔ انکا کہنا تھا کہ ایسے شخص کا نوکری پر رہنے کا کوئی جواز نہیں ہے، انہیں تو نوکری سے ہی نکال دینا چاہیے۔
