رکن قومی اسمبلی عامر لیاقت کی اہلیہ دانیہ شاہ نے دعویٰ کیا ہے کہ سوشل میڈیا پر وائرل ہونے والی برہنہ ویڈیوز میں نے نہیں بنائی تھیں بلکہ کسی اور شخس نے بنا کر بھیجی تھیں۔
نیو نیوز سے گفتگو کرتے ہوئے دانیہ شاہ نے الزام عائد کیا کہ عامر لیاقت کو جب کسی اور کی ضرورت محسوس ہوتی تو وہ مجھے شاپنگ کے لئے بھیج دیتے تھے اور سختی سے ہدایت کرتے تھے کہ گھر آنے سے پہلے لازمی فون کرنا۔
دانیہ شاہ نے الزام عائد کیا کہ شادی کے دوسرے ہی روز عامر لیاقت نے مجھ پر تشدد کرنا شروع کر دیا تھا۔ وہ مجھے موبائل فون تک استعمال کرنے نہیں دیتے تھے۔ خیال رہے کہ اس سے قبل عامر لیاقت کی اہلیہ نے کہا تھا کہ وہ اچھا لباس پہننے اور نماز پڑھنے سے روکتے تھے۔
خیال رہے کہ اس سے قبل عامر لیاقت حسین نے اپنی اہلیہ دانیہ شاہ کی تہلکہ خیز آڈیو جاری کرتے ہوئے کہا تھا کہ بہت مجبور ہو کر صرف 50 فیصد حصہ محتاظ نوٹس کے ساتھ جاری کر رہا ہوں، آپ نے خود ان آڈیو میسجز کو سمجھنا ہوگا تاکہ دانیہ شاہ کے کاموں کا اندازہ ہو جائے۔
عامر لیاقت حسین نے انسٹاگرام پر اپنی طویل پوسٹ میں لکھا کہ شادی کے 15 دن بعد بہاولپور گئیں اور 15 دن بعد واپس آئیں اور آنے کے بعد تین دن گزرے کہ یہ دوبارہ بہاولپور چلی گئیں، 15 دن بعد واپس آئیں اور اس دوران میرے بس ایک سوال پر کہ کراچی میں تو 24 گھنٹے آپ کا موبائل آن رہتا تھا لیکن اس بار رات سے صبح تک مسلسل بند رہا کیا بات تھی؟ انہوں نے پہلے بہانے بنائے اور پھر قبو ل کیا کہ بند کر دیتی تھی میں چپ رہا لیکن تشویش میں تھا۔
انہوں نے لکھا کہ چار ماہ میں چونکہ ان کے گھر میں کمانے والا کوئی نہ تھا میں معاشی حالات کی مجبوری کے باوجود ان کی والدہ کو ماہانہ دو لاکھ روپے بھجواتا رہا جبکہ ایک لاکھ روپے ان کو جیب خرچ دیتا رہا اور یہ کمرے میں بند اس دور کی سب سے بڑی جھوٹی خاتون خو گاڑی ڈرائیو کر کے 12 بجے دوپہر نکلتیں، پارلر جاتیں، تیار ہو کر چلی جاتیں لیکن واپسی رات 9 بجے سے پہلے ممکن نہ تھی اور واپسی میں قیمتی کپڑے، جوتے اور میک اپ وغیرہ سے لدی اور 11 بجے کمرے میں سو جاتیں۔
یہ بھی پڑھیں: اہلیہ دانیہ شاہ کی مبینہ آڈیوز کس نے بھیجیں؟ عامر لیاقت نے نیا دعویٰ کردیا
رکن قومی اسمبلی نے الزام عائد کیا کہ پھر یہ اسلام آباد سے بہاولپور گئیں کیونکہ ان کی بہن کے ہاں ولادت متوقع تھی تو ہسپتال کے اخراجات، بہن اور بہنوئی کے لیے خرچے کی مد میں 5 لاکھ روپے الگ سے 8 لاکھ سود اتارنے کے احسان کی مد میں اور اپنے ذاتی اخرجات میں کرائے کی گاڑی بھی شامل تھی، نقد 15 لاکھ روپے لے گئیں جبکہ آتے ہوئے مجھ سے ہیرے کی انگوٹھی اور سیٹ کی فرمائش کی۔
انہوں نے لکھا کہ میں نے کہا صرف دس لاکھ روپے ہیں تو انہوں نے جیولرز سے 22 مارچ کو 9 لاکھ روپے کی انگوٹھی خریدی، یہاں 2 دن رکنے کے بعد بیچاری بھوکی پیاسی کرولا کرائے پر لے کر بہاولپور روانہ ہو گئیں۔
View this post on Instagram
عامر لیاقت نے بتایا کہ رمضان گزر گیا، عید گزر گئی اور یہ نہ آئیں، میں اسی وجہ سے ڈپرشن میں ہسپتال داخل ہوا اور یہ 5 یا چھ دن بعد میرے لیے ایک ٹک ٹاک ویڈیو بنا کر فون کرتیں اور ایسے پیار بھرے میسیجز کرتیں۔ بہرحال تین چار دن بعد جب بھی فون آتا تو بہن کے نومولود بچے کی حالات بگڑ گئی پیسے؟ ابو ہسپتال میں ایڈمٹ ہو گئے پیسے؟ بہن کے گھر میں تنگی ہے پیسے؟ میں پوچھتا رہتا صرف دل کو بہلانے کے لیے کہ واپسی کب مگر صرف ہیسے مانگنے کے سوا کچھ نہیں۔
انہوں نے انکشاف کیا کہ اس دران لودھراں کی معروف وڈیرنی کے کچھ افراد نے جو ان کے سید ہونے کے دعوے سے سخت نالاں تھے، انہوں نے یہ خوفناک آڈیوز نوٹس بھیجے جس نے مجھے ہلا کر رکھ دیا اور ایک دن بعد تنسیخ نکاح کا دعویٰ ازدواجی حقوق کی ادائیگی نہ کئے جانے کے باوجود آگیا۔
