خیال رہے کہ اسلام آباد کے سیکٹر ایچ نائن میں گذشتہ دنوں مندر کی تعمیر کا سنگ بنیاد رکھا گیا ہے جس کی زمین گذشتہ دور حکومت میں الاٹ کی گئی تھی۔ اس حوالے سے چوہدری پرویز الہٰی نے ایک ویڈیو بیان میں مندر کی تعمیر پر تنقید کرتے ہوئے کہا ہے کہ اسلام آباد میں مندر کی تعمیر ریاست مدینہ کی توہین اور اسلام کی روح کے خلاف ہے۔
چوہدری پرویز الہٰی کا کہنا تھا کہ ہم اقلیتوں کےحقوق کے ساتھ ہیں، پہلے سے موجود مندروں کی مرمت کی جائے۔
نیا مندر بنانا اسلام اور ریاست مدینہ میں جائز نہیں : چوہدری پرویز الہی کی گفتگو pic.twitter.com/AbgF7xWR8q
— NayaDaur Urdu (@nayadaurpk_urdu) July 1, 2020
جیو نیوز سے حاصل معلومات کے مطابق سپیکر پنجاب اسمبلی کے بیان پر ردعمل دیتے ہوئے فواد چوہدری کا کہنا ہے کہ انہیں چوہدری پرویز الہٰی کی اس 'قدامت پسند' سوچ پر سخت حیرت ہوئی ہے۔
فواد چوہدری نے طنز کرتے ہوئے کہا کہ خدا کا شکر ہے کہ امریکی اور یورپی رہنما مودی اور پرویز الہیٰ جیسوں کی طرح نہیں سوچتے اور مسلمانوں کو مسجدوں کی تعمیر اور عبادت کی اجازت دیتے ہیں۔
ان کا کہنا تھا کہ پرویز الہٰی اور ان جیسی سوچ رکھنے والوں کو میثاق مدینہ کا مطالعہ ضرور کرنا چاہیے۔ برداشت اسلام کا بنیادی اصول ہے۔